Eddo ko

Doulul eo an Jiron̄ ro ej jipan̄ kōpooj leddik ro rejitōnbōro nejin Anij n̄an jepļaakļo̧k n̄an Im̧aan Mejān. Ej jipan̄ jiron̄ ro erom̧ rikaļoor ro an Jisōs Kraist ilo aer kōm̧m̧ani im kōjparok bujen ko rekwojarjar n̄an kam̧wilaļlo̧k oktak eo aer. Ilo kūlaaj ko aer, jiron̄ ro rej jipan̄ doon, kakūrm̧ool eddo ko an bujen eo, kalōk bōro kuk, im ekkatak im mour kōn katak eo. (Lale Bok in Bōk Meļeļe Eļap, 11.1.1.)

Rijeje eo an Doulul eo an Jiron̄ ro ilo stake kepooj “jodikdik ro rōm̧m̧an” an Irooj n̄an aiintok Israel n̄an bōk koņaer ilo kijejeto ko n̄an kalōk tōmak im kōkajoorļo̧k ro kajjojo (lale Russell M. Nelson im Wendy W. Nelson, “Hope of Israel” [worldwide youth devotional, June 3, 2018], Gospel Library). Ej jerbal ilo stake ko̧o̧njeļ eo im ritōl ro ilo kamiti eo an jodikdik ilo stake (lale 6.7.1.2), kepooj agenda eo im riboot ko, im je note ko (lale 6.7.3).

Rijeje eo an Doulul eo an Jiron̄ ro ilo stake ej katakin būreejtōnji ko an ward doulul ilo kajjojo kweilo̧k an ritōl ro an stake kajjojo iiō (lale 29.3.4), kobaļo̧k ilo būreejtōnji kweilo̧k n̄e kar karuwaineneiki jen Eria jiljilimjuonn̄oul eo (lale 29.4), im kwaļo̧k ilo kweilo̧k ko an kwojkwoj im iien ko jet n̄e kar karuwaineneiki jen stake būreejtōnji eo.

Ium̧win tōl eo an stake būreejtōnji eo, būreejtōnji eo an Doulul eo an Jiron̄ ro enaaj bar karōke im kōm̧m̧ani m̧akūtkūt ko kāām ko an Doulul eo an Jiron̄ ro ilo stake (lale 6.7.1.2). N̄an elōn̄ stake ko, būreejtōnji ro rej kōnono ippān doon n̄an kōmālim kobain m̧akūtkūt ko n̄an stake būreejtōnji eo (lale 20.3.1).

Kakkobaba in unin tōl ko jet im kakien ko loi ilo jekjōn 11.6 ilo Bok in Bōk Meļeļe Eļap.