Mwioko

E buokiia natin te Atua aika aine te Bootaki n Ataeinnaine ni katauraoia n oki Nakoina. E buokiia ataeinnaine n riki bwa ana reirei Iesu Kristo rinanon nako maiuiia ngkai a karaoi ao ni kawakin berita aika a tabu ao ni kakorakorai nanoia n rairaki. N aia kiraati ao aia ikoikotaki, ataeinnaine a beku ibukiia tabeman, a karaoi tibwangaia, a karekea te katiteuanaki, ao a reiakin ao a maiuakin reirei aika tabu. (Taraa Aeniboki ni Kabuta, 11.1.1.)

Te Tia Koroboki ibukiia Ataeinaine n te Titeiki e katauraoiia taan buaka te Uea “aika kairake” n ikota Iteraera rinanon irakin te mwakuri ni karikirakea te onimaki ao kakorakoraakiia n tatabemaniia (taraa naba Russell M. Nelson ao Wendy W. Nelson, “Hope of Israel” [worldwide youth devotional, June 3, 2018], Gospel Library). E beku n aia komete ni kairiiri kairake (taraa 6.7.1.2), katauraoa te akenta ao ribooti, ao n tauwi mwiin marooro (taraa 6.7.3).

Te tia koroboki irouia Ataeinaine n te titeiki e reireiia kaain te beretitentii ni bootaki n te uoote n tain te bowi ni kairiiri n te titeiki n te ririki (taraa 29.3.4), e irii bowi n te beretitentii ao bowi ni kauntira ni bairei ngkana e kaoaki iroun te Kaitingaun n te Aono (taraa 29.4), ao taetae n tain bootakin te toa ao ni bootaki riki tabeua ngkana e kaoaki iroun te titeiki beretitentii.

Iaan a na kaetieti te beretitentii n te titeiki, te beretitentii irouia Ataeinaine n te Titeiki e na karaoi ao ni bairei aia waaki ni kakukurei ao ni kaembwa Ataeinnaine (taraa 6.7.1.2). Ibukin titeiki aika mwaiti, a na uaia ni botaki ni marooro beretitentii ni katebenakoi waaki ni kakukurei aika a bootaki iai nakon te titeiki beretitentii (taraa 20.3.1).

Rakan kainibaire riki tabeua ao kaetieti a reke inanon mwakoro 11.6 n te Aeniboki ni Kabuta.