iTavi eso

Na isoqosoqo ni Goneyalewa sa vukei ira na luvena yalewa lomani na Kalou mera vakavakarau lesu ki Vua. E sa vukei ira na goneyalewa mera tisaipeli tudei tu i Jisu Karisito ni ra cakava ka maroroya na veiyalayalati tabu ka vakabibitaka na nodra saumaki mai. Ena nodra kalasi kei na soqoni, na goneyalewa era qaravi ira na tani, vakayacora na itavi ni veiyalayalati, tara cake na duavata, ka vulica ka bulataka na ivunau. (Raica na iVoladusidusi Raraba, 11.1.1.)

Na sekeriteri ni Goneyalewa ena iteki e vakarautaka na “mataivalu ni itabagone” ni Turaga me vakasoqoni Isireli ena sasagataki ni kena tarai cake na vakabauta kei na vaqaqacotaki ni tamata yadua (raica na Russell M. Nelson kei Wendy W. Nelson, “Hope of Israel” [lotu ni itabagone e vuravura raraba, 3 ni June, 2018], Gospel Library). E veiqaravi o koya ena matabose ni iteki kei na komiti ni veiliutaki ni itabagone ena iteki (raica na 6.7.1.2), vakarautaka na lewe ni bose kei na ripote, ka vola na itukutuku (raica na 6.7.3).

Na sekeriteri ni Goneyalewa ena iteki e vakasalataki ira na mataveiliutaki ni mataisoqosoqo ena tabanalevu ena gauna ni bose vakayabaki ni veiliutaki ni iteki (raica na 29.3.4), tiko ena bose ni mataveiliutaki kei na matabose veivakarautaki ni sureta tu na Vitusagavulu ni iWasewase (raica na 29.4), ka vosa ena soqoni ni sakaramede kei na vanua tale eso ni sureta tu na mataveiliutaki ni iteki.

Ena nodratou veidusimaki na mataveiliutaki ni iteki, ratou na tuvanaka ka liutaka talega na mataveiliutaki ni Goneyalewa ena iTeki na itaviqaravi kei na keba ni Goneyalewa ena iteki (raica na 6.7.1.2). Me baleta na iteki cokovata, era veivosaki vata na mataveiliutaki me vakaturi na itaviqaravi cokovata ki na mataveiliutaki ni iteki (raica na 20.3.1

Na ikuri ni dusidusi kei na lawatu sa kune ena wase 11.6 ni iVoladusidusi Raraba