Ol Responsabiliti

Oganaesesen blong Ol Yang Woman i helpem ol pikinini gel blong God blong rere blong gobak stap wetem Hem, long ples blong Hem. I helpem ol yang woman blong kam ol disaepol blong Jisas Kraes blong ful laef blong olgeta, taem oli mekem mo kipim ol tabu kavenan mo jenisim laef blong olgeta moa i go long Jisas. Insaed long ol klas blong olgeta, taem oli stap kam tugeta, ol yang woman oli givim seves long ol narawan, oli mekem ol kavenan responsabiliti blong olgeta, oli bildimap yuniti, mo oli lan mo laef folem doktrin. (Luk long Jeneral Hanbuk, 11.1.1.)

Stek Yang Woman sekretari i rere long ol “yut ami” blong Lod blong mekem Isrel i kam wan tru long ol hadwok blong bildimap fet mo mekem ol nara man i kam strong moa (luk long Russell M. Nelson mo Wendy W. Nelson, “Hop blong Isrel” (divosen blong ol yut raon long wol, Jun 3, 2018), Gospel Laebri). Hem i givim seves insaed long stek kansel mo stek yut lidasip komiti (luk long 6.7.1.2), hem i mekem rere long ol ajenda mo ripot, mo hem i tekem ol not (luk long 6.7.3).

Wan sekretari blong ol yang woman insaed long stek hem i instraktem ol wod oganaesesen presidensi long taem blong ol stek lidasip miting blong evri yia (luk long 29.3.4), hem i atendem ol presidensi miting mo lidim ol kaonsel miting taem Eria Seventi i askem (luk long 29.4, mo hem i givim toktok long taem blong ol sakramen miting mo long ol narafala ples taem stek presidensi hem i askem.

Anda long daereksen blong stek presidensi, bambae Stek Yang Woman presidensi i mekem plan mo kodinetem ol stek Yang Woman aktiviti mo kamp (luk long 6.7.1.2). Long plante stek, ol presidensi i kaonsel tugeta blong givim sapot long ol kombaen aktiviti, i go long stek presidensi (luk long 20.3.1)

Sam moa long ol gaedlaen mo ol polisi yu save faenem long seksen 11.6 blong Jeneral Hanbuk.