Eddo ko

Doulul eo an Jiron̄ ro ej jipan̄ kōpooj leddik ro rejitōnbōro nejin Anij n̄an jepļaakļo̧k n̄an Im̧aan Mejān. Ej jipan̄ jiron̄ ro erom̧ rijilōk ro an Jisōs Kraist ilo aer kōm̧m̧ani im kōjparok bujen ko rekwojarjar n̄an kam̧wilaļlo̧k oktak eo aer. Ilo kūlaaj im aer ippān doon, jiron̄ ro rej jipan̄ ro jet, kakūrm̧ool eddo ko an bujen eo, ippān doon, im ekkatak im mour kōn katak ko. (Lale Bok in Bōk Meļeļe Eļap, 11.1.1.)

Būreejtōn eo an Doulul eo an Jiron̄ ro ilo Stake ej kepooj “jodikdik ro ilo jaren tariņae” eo an Irooj n̄an aiintok Israel ilo aer bōk koņaer ilo jerbal ko n̄an kalōk tōmak im kōkajoorļo̧k ro jet (lale Russell M. Nelson im Wendy W. Nelson, “Kejatdikdik an Israel” [nokon an jodikdik ro ipeļaakin laļ in, Jun 3, 2018], Gospel Library). Ej jerbal ilo ko̧o̧njeļ eo an stake im douluul eo an ritōl ro ilo stake ko̧o̧njeļ eo (lale 6.7.1.2).

Būreejtōn eo an Doulul eo an Jiron̄ ro ilo stake ej tōl būreejtōnji in doulul ko an ward ilo kweilo̧k ko kajjojo iiō an ritōl ro (lale 29.3.4), pād ilo kweilo̧k ko an būreejtōnji im karōki kweilo̧k ko an ko̧o̧njel ilo an Eria eo an Jiljiljimjuonn̄oul eo ej kūr (lale 29.4), im kōnono ilo kweilo̧k in kwojkwoj eo im bar ijoko jabdewōt n̄e kūr jān būreejtōnji eo an stake.

Iumwin tōl eo an būreejtōnji eo an stake, būreejtōnji eo an Doulul eo an Jiron̄ ro ilo Stake rej barāinwōt pepe im karōk m̧akūtkūt im camp ko an Jiron̄ ro ilo Stake (lale 6.7.1.2). N̄an elōn̄ļo̧k stake ko, būreejtōnji ro rej kōnono ippān doon n̄an kobaik m̧akūtkūt ko n̄an stake būreejtōnji eo (lale 20.3.1).

Kakkobaba in unin tōl ko jet im kakien ko repād ilo jekjōn 11.6 in Bok in Bōk Meļeļe Eļap.