Dagiti Pagrebbengan

Tulongan ti organisasion ti Young Women dagiti maipatpateg nga annak a babbai ti Dios nga agsagana nga agsubli iti sidongna. Tulonganna dagiti agtutubo a babbai nga agbalin a tungpal-biag a disipulo ni Jesucristo bayat ti panangaramid ken panangtungpalda kadagiti sagrado a katulagan ken panangpaunegda iti kumbersionda. Kadagiti klase ken panaguummongda, agserbi dagiti agtutubo a babbai kadagiti dadduma, agtungpalda kadagiti pagrebbengan iti katulagan, mangbangonda iti panagkaykaysa, ken agsursuro ken agbiagda iti doktrina. (Kitaen iti Sapasap a Handbook, 11.1.1.)

Ti Young Women president iti stake ti mangisagana iti “batalion dagiti agtutubo” ti Apo a mangummong iti Israel babaen ti pannakiramanda kadagiti panagkagumaan a mangbangon iti pammati ken mangpapigsa kadagiti indibidual (kitaen iti Russell M. Nelson and Wendy W. Nelson, “Hope of Israel” [worldwide youth devotional, Hunio 3, 2018], Gospel Library). Agserbi isuna iti konseho iti stake ken komite iti panangidaulo dagiti agtutubo iti stake (kitaen iti 6.7.1.2).

Ti maysa a Young Women president iti stake ti mangisuro kadagiti panguluen ti organisasion iti ward kabayatan dagiti tinawen a miting ti panangidaulo iti stake (kitaen iti 29.3.4), dumar-ay kadagiti miting ti panguluen ken miting iti konseho iti panangtitinnulong (coordinating council) no awisen ida ti Area Seventy (kitaen iti 29.4), ken agsarita kadagiti miting ti sakramento ken dadduma pay a kasasaad no awisen ti panguluen ti stake.

Iti babaen ti panangiturong ti panguluen ti stake, mangplano ken mangikoordinar pay ti panguluen ti Young Women iti stake kadagiti aktibidad ken panagkamping ti Young Women iti stake (kitaen iti 6.7.1.2). Para iti adu a stake, agiinnuman dagiti panguluen a mangisingasing kadagiti napagtitipon nga aktibidad iti panguluen ti stake (kitaen iti 20.3.1).

Masarakan dagiti mainayon a pangiwanwan ken annuroten iti benneg 11.6 ti Sapasap a Handbook.