iTavi eso

Na isoqosoqo ni Goneyalewa e vukei ira na luvena yalewa lomani na Kalou mera vakavakarau mera lesu kina Nona iserau. Ena vukei ira na goneyalewa me ra tisaipeli i Jisu Karisito ena nodra bula taucoko nira cakava ka maroroya na veiyalayalati tabu ka vakatitobutaka na nodra saumaki mai. Ena nodra kalasi kei na soqoni, o ira na goneyalewa era na qaravi ira na tani, vakayacora na itavi ena nodra veiyalayalati, tara cake na duavata, ka vulica ka bulataka na ivunau. (Raica na iVoladusidusi Raraba, 11.1.1.)

Ena vakarautaka o peresitedi ni Goneyalewa ena iteki na “mataivalu ni itabagone” ni Turaga me vakasoqoni Isireli ena nodra vakaitavi ena sasaga ni kena tarai cake na vakabauta ka vaqaqacotaki ira na tamata yadua (raica na Russell M. Nelson kei Wendy W. Nelson, “Hope of Israel” [lotu ni itabagone e vuravura raraba, 3 ni June, 2018], Gospel Library). Ena veiqaravi ena matabose ni iteki kei na komiti ni veiliutaki ni itabagone ena iteki (raica na 6.7.1.2).

Ena vakasalataki ira na mataveiliutaki ni mataisoqosoqo ena tabanalevu e dua na peresitedi ni Goneyalewa ena gauna ni bose vakayabaki ni veiliutaki ni iteki (raica na 29.3.4), me na tiko ena bose ni mataveiliutaki kei na bose ni matabose veivakarautaki ena gauna e veisureti kina na Vitusagavulu ni iWasewase (raica na 29.4), ka vosa ena soqoni ni sakaramede kei na veivanua tale eso ni ra sureti mai vei iratou na mataveiliutaki ni iteki.

Ena nodratou veidusimaki na mataveiliutaki ni iteki, eratou na tuvanaka ka raica na mataveiliutaki ni Goneyalewa ena iteki na itaviqaravi kei na keba ni Goneyalewa ena iteki (raica na 6.7.1.2). Ni vuqa na iteki era na veivosaki vata na mataveiliutaki me vakaturi na itaviqaravi cokovata ki na mataveiliutaki ni iteki (raica na 20.3.1

Na ikuri ni idusidusi kei na lawatu ena kunei ena iwase 11.6 ni iVoladusidusi Raraba