Mga Responsibilidad

Ang organisasyon sa Young Women nagtabang sa hinigugmang anak nga mga babaye sa Dios nga makaandam sa pagbalik ngadto sa Iyang presensiya. Kini nagtabang sa mga batan-ong babaye nga mahimong mga disipulo ni Jesukristo sa tibuok kinabuhi samtang sila naghimo ug nagtuman sa sagrado nga mga pakigsaad ug nagpalawom sa ilang pagkakabig. Sa ilang mga klase ug mga panagpundok, ang mga batan-ong babaye moserbisyo sa uban, motuman sa mga responsibilidad sa pakigsaad, mopalambo og panaghiusa, ug mokat-on ug mosunod sa doktrina. (Tan-awa sa Kinatibuk-ang Tamdanan nga Basahon, 11.1.1.)

Ang presidente sa Young Women sa stake moandam sa “batalyon sa kabatan-onan” sa Ginoo sa pagpundok sa Israel pinaagi sa pag-apil sa mga paningkamot sa pagpalambo og pagtuo ug paglig-on sa mga indibidwal (tan-awa sa Russell M. Nelson ug Wendy Nelson, “Paglaom sa Israel” [tibuok kalibotan nga debosyonal sa kabatan-onan, Hunyo 3, 2018], Librarya sa Ebanghelyo). Siya nagserbisyo diha sa konseho sa stake ug sa komitiba sa pagpangulo sa kabatan-onan sa stake (tan-awa sa 6.7.1.2).

Ang presidente sa Young Women sa stake motudlo sa mga kapangulohan sa organisasyon sa ward atol sa tinuig nga mga miting sa pagpangulo sa stake (tan-awa sa 29.3.4), motambong sa mga miting sa kapangulohan ug mga miting sa coordinating council kon dapiton sa Area Seventy (tan-awa sa 29.4), ug mamulong diha sa mga panagtigom alang sa sakramento ug sa ubang mga kahimtang kon dapiton sa kapangulohan sa stake.

Ubos sa direksyon sa kapangulohan sa stake, ang kapangulohan sa Young Women sa stake magplano usab ug makigsabot sa mga kalihokan sa Young Women sa stake ug mga kamping (tan-awa sa 6.7.1.2). Alang sa dinaghan nga mga stake, ang mga kapangulohan magtinambagay sa usag usa aron morekomendar og hiniusa nga mga kalihokan ngadto sa kapangulohan sa stake (tan-awa sa 20.3.1).

Dugang nga mga lagda ug mga palisiya makit-an diha sa seksiyon 11.6 sa Kinatibuk-ang Tamdanan nga Basahon.