Ol Responsabiliti

Oganaesesen blong Ol Yang Woman i helpem ol pikinini gel blong God blong rere blong gobak stap wetem Hem, long ples blong Hem. I helpem ol yang woman blong kam ol disaepol blong Jisas Kraes blong ful laef blong olgeta, taem oli mekem mo kipim ol tabu kavenan mo jenisim laef blong olgeta moa i go long Jisas. Insaed long ol klas blong olgeta, ol yang woman oli givim seves long ol narawan, oli mekem ol kavenan responsabiliti blong olgeta, oli bildimap yuniti, mo oli lan mo laef folem doktrin. (Luk long Jeneral Hanbuk, 11.1.1.)

Presiden blong ol Yang Woman long stek i priperem “ami blong yut” blong Lod blong karem i kambak tugeta Isrel tru long ol efot taem oli tekem pat blong bildimap fet mo mekem wan wan long olgeta i kam strong moa (Luk long Russell M. Nelson, mo Wendy W . Nelson, “Hop blong Israel” [ devosen blong ol Yut raon long wol, June 3, 2018], Gospel Laebri). Hem i stap givim seves i go long stek kaonsel mo stek yut lidasip komiti (luk long 6.7.1.2).

Wan stek yang woman presiden i tijim ol wod oganaesesen presidensi long ol stek lidasip miting we i stap hapen evri yia (luk 29.3.4), atendem ol miting blong presidensi mo kodinetem ol kaonsel miting taem we Eria Seventi i invaetem hem blong mekem ( luk 29.4), mo givim toktok long sakramen miting mo ol nara ples we stek presidensi i invaetem hem blong mekem.

Anda long daereksen blong stek presidensi, bambae stek yang woman presidensi hem i mekem plan mo kodinetem ol stek Yang Woman aktiviti mo kamp (luk 6.7.1.2). Blong sam stek, ol presidensi i kaonsel tugeta blong givim sapot long ol kombaen aktiviti, i go long stek presidensi (luk long 20.3.1).

Yu save faenem Sam moa long ol gaedlaen mo ol polisi long seksen 11.6 blong Jeneral Hanbuk.