Te mau hōpoi’a

E tauturu te ’āvirira’a o te Feiā ’Āpī Tamāhine i te mau tamāhine herehia a te Atua, ’ia fa’aineine nō te ho’i atu i mua i tōna aro. E tauturu te reira i te feiā ’āpī tamāhine ’ia riro ’ei pipi nā Iesu Mesia nō te orara’a tā’āto’a, ’a rave ai ’e ’a ha’apa’o ai rātou i te mau fafaura’a mo’a, ’e ’a fa’ahōhonu ai i tō rātou fa’afāriura’a. I roto i tā rātou mau piha ’e mau putuputura’a, e tāvini te feiā ’āpī tamāhine ia vetahi ’ē, e rave fa’aoti i te mau hōpoi’a o te fafaura’a, e patu i te tāhō’ēra’a, ’e e ha’api’i mai ’e e ora i te ha’api’ira’a tumu. (Hi’o Buka arata’i rahi, 11.1.1.)

E fa’aineine te tauturu Feiā ’Āpī Tamāhine o te titi i te « nuʼu feiā ʼāpī » a te Fatu ’ia ha’aputuputu ia ’Īserā’ela maoti te ’āmuira’a i te mau tauto’ora’a nō te patu i te fa’aro’o ’e nō te ha’apūai i te ta’ata hō’ē (hi’o Russell M. Nelson ’e Wendy W. Nelson, « Ti’aturira’a nō Ziona » [purera’a nā te feiā ’āpī ’ati ti’a i te ao nei, 3 nō Tiunu 2018], Vaira’a buka ’evanelia). E tauturu ’oia i te ha’amātau i te mau peresidenira’a pāroita ’āpī, e pūpū i te tauturura’a tāmau ’e e tāvini i roto i te tōmite fa’atere feiā ’āpī o te titi (hi’o 29.3.9).

E ha’api’i te mau tauturu Feiā ’Āpī Tamāhine o te titi i te mau peresidenira’a ’āvirira’a o te pāroita i te taime nō te mau rurura’a matahiti nō te feiā fa’atere nō te titi (hi’o 29.3.4), ’e e haere rātou i te mau rurura’a peresideniraʼa ’e te mau rurura’a ’āpo’ora’a fa’aaura’a, ’ia anihia mai e te Hitu ’Ahuru ārea (hi’o 29.4), ’e e paraparau rātou i roto i te mau purera’a ’ōro’a ’e i te tahi atu mau taime ’ia anihia mai e te peresidenira’a titi.

I raro a’e i te fa’aterera’a a te peresidenira’a titi, e fa’anaho ato’a te peresidenira’a Feiā ’Āpī Tamāhine o te titi ma te fa’aau i te mau ’ātivite ’e te mau pūhapara’a a te Feiā ’Āpī Tamāhine o te titi (hi’o 6.7.1.2). Nō te mau ’ātivite titi rau, e ’āpo’o ’āmui te mau peresidenira’a nō te tu’u i mua i te peresidenira’a titi i te mau ’ātivite ’āmui (hi’o 20.3.1).

E ’itehia te tahi atu ā mau arata’ira’a ’e te mau fa’aturera’a i roto i te tuha’a 11.6 o te Buka arata’i rahi.