Eddo ko

Doulul eo an Jiron̄ ro ej jipan̄ kōpooj leddik ro rejitōnbōro nejin Anij n̄an jepļaakļo̧k n̄an Im̧aan Mejān. Ej jipan̄ jiron̄ ro erom rikaļoor ro an Jisōs Kraist to̧o̧n wōt aer mour ilo aer kōm̧m̧ani im kōjparok bujen ko rekwojarjar n̄an kam̧wilaļlo̧k oktak eo aer. Ilo kūlaaj ko im ain doon ko aer, jiron̄ ro rej jerbal n̄an doon, kakūrm̧ool eddo in bujen ko, kalōk bōro kuk, im katak im mour kōn katak eo. (Lale Bok in Bōk Meļeļe Eļap, 11.1.1.)

Rikakpilōklōk eo an Doulul eo an Jiron̄ ro an stake ej kōpooj “jarin tariņae in jodikdik eo” an Irooj n̄an aintok Israel kōn bōk koņaan ilo kijejeto ko n̄an kalōk tōmak im kōkajoorļo̧k kajjojo armej ( Russell M. Nelson im Wendy W. Nelson, “Hope of Israel” [worldwide youth devotional, June 3, 2018], Gospel Library). Liin ej jipan̄ jeļā kōn ward būreejtōnji ko rekāāl, leļo̧k jipan̄ ko rejjab bōjrak, im jerbal ilo kamiti eo an ritōl an jodikdik ro an stake (lale 29.3.9).

Rikakpilōklōk ro an Doulul eo an Jiron̄ ro an stake rej kōmeļeļeik būreejtōnji ko an doulul eo an ward ilo kweilo̧k ko an ritōl an stake iiō otemjeļo̧k (lale 29.3.4), pād ilo kweilo̧k ko an būreejtōnji im kōtōbalbal kweilo̧k ko an ko̧o̧njeļ n̄e kar kūr jān Eria Jiljilimjuonn̄oul eo (lale 29.4), im ekōnono ilo kweilo̧k in kwojkwoj ko im jekjek ko jet n̄e kar kūr jān stake būreejtōnji eo.

Ium̧win tōl eo an stake būreejtōnji, būreejtōnji an Doulul eo an Jiron̄ ro an stake naaj barāinwōt karōk im kōtōbalbal m̧akūtkūt ko im kāām ko (lale 6.7.1.2). N̄an elōn̄ļo̧k stake ko, būreejtōnji ko rej kōnono ippān doon n̄an kōmālim kobain m̧akūtkūt ko n̄an stake būreejtōnji eo (lale 20.3.1).

Kakkobaba in unin tōl ko jet im kakien ko loi ilo jekjōn 11.6 an Bok in Bōk Meļeļe Eļap.