iTavi eso

Na isoqosoqo ni Goneyalewa e vukei ira na luvena yalewa lomani na Kalou mera vakarau tu ni lesu kivei Koya. E sa vukei ira na goneyalewa mera tisaipeli vakaoti i Jisu Karisito ni ra cakava ka maroroya na veiyalayalati tabu ka vakatitobutaka na nodra saumaki mai. Ena nodra kalasi kei na soqoni, era qaravi ira na tani na gone yalewa, vakayacora na itavi eso ni veiyalayalati, tara cake na duavata, ka vulica ka bulataka na ivunau. (Raica na iVoladusidusi Raraba, 11.1.1.)

E vakarautaka na daunivakasala ni Goneyalewa ena iteki na “mataivalu ni itabagone” ni Turaga me vakasoqoni Isireli ena sasaga ni kena tarai cake na vakabauta ka vaqaqacotaki na tamata yadua (raica na Russell M. Nelson kei Wendy W. Nelson, “Hope of Israel” [lotu ni itabagone e vuravura raraba, 3 ni June, 2018], Gospel Library). Na veivuke o koya ni vakatakilai ira na mataveiliutaki vou ena tabanalevu, veitokoni tikoga, ka veiqaravi ena komiti ni veiliutaki ni itabagone ena iteki (raica na 29.3.9).

E dusimaki ira na mataveiliutaki ni mataisoqosoqo ena tabanalevu o ira na daunivakasala ni Goneyalewa ena iTeki ena gauna ni bose vakayabaki ni veiliutaki ni iteki (raica na 29.3.4), tiko ena bose ni mataveiliutaki kei na matabose veivakarautaki ni sureti tu vua na Vitusagavulu ni iWasewase (raica na 29.4), ka vosa ena soqoni ni sakaramede kei na vanua tale eso ni sureti tu mai na mataveiliutaki ni iteki.

Ena veidusimaki ni mataveiliutaki ni iteki, ratou na tuva ka liutaka na mataveiliutaki ni Goneyalewa ena iteki na itaviqaravi kei na keba ni Goneyalewa ena iteki (raica na 6.7.1.2). Me baleta na iteki cokovata eso, era na veivosaki vata na mataveiliutaki me vakaturi na itaviqaravi cokovata ki na mataveiliutaki ni iteki (raica na 20.3.1

Na ikuri ni idusidusi kei na lawatu sa kune ena wase 11.6 ni iVoladusidusi Raraba