Akong Calling isip usa ka Magtatambag sa Kapangulohan sa Young Women sa Stake
Mga Responsibilidad
Ang Ginoo mapasalamaton sa imong kaandam nga moserbisyo sa Iyang Simbahan. Sa ubos mao ang kinatibuk-ang pagpasabot sa mga responsibilidad sa imong calling.
Katuyoan sa Young Women
Ang organisasyon sa Young Women nagtabang sa hinigugmang anak nga mga babaye sa Dios nga makaandam sa pagbalik ngadto sa Iyang presensya. Kini nagtabang sa mga batan-ong babaye nga mahimong mga disipulo ni Jesukristo sa tibuok kinabuhi samtang sila naghimo ug nagtuman sa sagrado nga mga pakigsaad ug nagpalawom sa ilang pagkakabig. Sa ilang mga klase ug mga panagpundok, ang mga batan-ong babaye moserbisyo sa uban, motuman sa mga responsibilidad sa pakigsaad, mopalambo og panaghiusa, ug mokat-on ug mosunod sa doktrina. (Tan-awa sa Kinatibuk-ang Tamdanan nga Basahon, 11.1.1.)
Magtatambag sa Young Women sa Stake
Ang magtatambag sa Young Women sa stake nag-andam sa “batalyon sa kabatan-onan” sa Ginoo sa pagpundok sa Israel pinaagi sa pag-apil sa mga paningkamot sa pagpalambo og pagtuo ug paglig-on sa mga indibidwal (tan-awa sa Russell M. Nelson ug Wendy W. Nelson, “Paglaom sa Israel” [tibuok kalibotan nga debosyonal sa kabatan-onan, Hunyo 3, 2018], Librarya sa Ebanghelyo). Motabang siya sa pagpamilyar sa bag-ong mga kapangulohan sa ward, motanyag og padayon nga suporta, ug moserbisyo sa komitiba sa pagpangulo sa kabatan-onan diha sa stake (tan-awa sa 29.3.9).
Mga Miting
Ang mga magtatambag sa Young Women sa stake nagtudlo sa mga kapangulohan sa organisasyon sa ward atol sa tinuig nga mga miting sa pagpangulo sa stake (tan-awa sa 29.3.4), motambong sa mga miting sa kapangulohan ug sa mga miting sa coordinating council kon dapiton sa Area Seventy (tan-awa sa 29.4), ug mamulong diha sa mga panagtigom alang sa sakramento ug sa ubang mga kahimtang kon dapiton sa kapangulohan sa stake.
Mga Kalihokan
Ubos sa direksiyon sa kapangulohan sa stake, ang kapangulohan sa Young Women sa Stake magplano usab ug makigsabot sa mga kalihokan ug mga kamping sa Young Women sa stake (tan-awa sa 6.7.1.2). Alang sa dinaghan nga mga stake, ang mga kapangulohan magtinambagay sa usag usa sa pagrekomendar og hiniusa nga mga kalihokan ngadto sa kapangulohan sa stake (tan-awa sa 20.3.1).
Mga Lagda ug mga Palisiya
Dugang nga mga lagda ug mga palisiya makit-an diha sa seksiyon 11.6 sa Kinatibuk-ang Tamdanan nga Basahon.