Ol Responsabiliti

Oganaesesen blong Ol Yang Woman i helpem ol pikinini gel blong God blong rere blong gobak stap wetem Hem, long ples blong Hem. I helpem ol yang woman blong kam ol disaepol blong Jisas Kraes blong ful laef blong olgeta, taem oli mekem mo kipim ol tabu kavenan mo jenisim laef blong olgeta moa i go long Jisas. Insaed long ol klas blong olgeta, ol yang woman oli givim seves long ol narawan, oli mekem ol kavenan responsabiliti blong olgeta, oli bildimap yuniti, mo oli lan mo laef folem doktrin. (Luk long Jeneral Hanbuk, 11.1.1.)

Kaonsela blong Ol Yang Woman insaed long Stek i mekem rere “wan ami blong ol yut” blong Lod blong karem bak Isrel i kam tugeta tru long ol hadwok blong bildimap fet mo fasin blong mekem ol man i kam strong moa (Luk long Russell M. Nelson mo Wendy W. Nelson, “Hop blong Isrel” (divosen blong ol Yut raon long wol, June 3, 2018), Gospel Laebri. Hem i help blong toktok gud long ol niufala presidensi insaed long wod, gohed blong givim sapot, mo givim seves i go long stek yut lidasip komiti (luk long 29.3.9).

Ol Kaonsela blong ol Yang Woman insaed long Stek oli instraktem ol wod oganaesesen presidensi long taem blong ol stek lidasip miting blong evri yia (luk long 29.3.4), oli atendem ol presidensi miting mo planem ol kaonsel miting taem Eria Seventi i askem olgeta blong mekem (luk long 29.4),mo oli givim toktok long taem blong ol sakramen miting mo long ol narafala ples taem stek presidensi i askem olgeta blong mekem.

Anda long daereksen blong stek presidensi, bambae yang woman presidensi insaed long stek hem i mekem plan mo kodinetem ol stek Yang Woman aktiviti mo ol kamp (luk long 6.7.1.2). Long sam stek, ol presidensi i kaonsel tugeta blong givim sapot long ol kombaen aktiviti, i go long stek presidensi (luk long 20.3.1

Sam moa long ol gaedlaen mo polisi yu save faenem long seksen 11.6 blong Jeneral Hanbuk