Ko Hoku Uiuiʻi ko ha Sekelitali ʻo e Lautohi Faka-Sāpate ʻi he Siteikí
Ngaahi Fatongiá
ʻOku houngaʻia ʻa e ʻEikí ʻi hoʻo loto-fiemālie ke ngāue ʻi Hono Siasí. ʻOku ʻoatu ʻi lalo ha vakai fakalūkufua ki he ngaahi fatongia ʻi hoʻo uiuiʻí.
Taumuʻa ʻo e Lautohi Faka-Sāpaté
ʻOku tokoni ʻa e Lautohi Faka-Sāpaté ke fakahoko e ngāue ʻa e ʻOtuá ki he fakamoʻuí mo e hakeakiʻí ʻaki hono tokoniʻi e fānau ʻa e ʻOtuá ke nau ako mo moʻui ʻaki e ongoongolelei ʻo Sīsū Kalaisí (vakai, Tohi Tuʻutuʻuni Fakakātoá, 13.1).
Sekelitali ʻo e Lautohi Faka-Sāpate ʻi he Siteikí
Fakatatau mo e fakahinohino ʻa e palesiteni ʻo e Lautohi Faka-Sāpaté ʻi he siteikí, ʻoku kau ʻi he ngaahi fatongia ʻo e sekelitalí ʻa hono teuteu ʻo e ngaahi ʻasenita ki he ngaahi fakatahá, hiki fakamatala mo muimuiʻi ʻa e ngaahi ngāue ʻi he ngaahi fakataha fakapalesitenisií, tauhi ʻo e ngaahi lekooti kehé, teuteuʻi ʻo e ngaahi lipōtí ʻi hano kole ʻe he kau palesitenisií, mo tokoni ʻi hono teuteu ʻo e patiseti fakataʻú (vakai, 6.7.3).
Ngaahi Fakatahá mo e Ngaahi Fakataha Alēleá
ʻE fealēleaʻaki fakataha maʻu pē ʻa e kau palesitenisī ʻo e Lautohi Faka-Sāpaté mo e sekelitalí (vakai, 29.3.4).
Ngaahi Fakahinohinó mo e Ngaahi Tuʻutuʻuní
ʻOku maʻu ha ngaahi fakahinohino mo ha ngaahi tuʻutuʻuni lahi ange ʻi he vahe 13.7 ʻo e Tohi Tuʻutuʻuni Fakakātoá.