Tō’u pi’ira’a ’ei pāpa’i parau nō te Ha’api’ira’a Sābati o te titi
Te mau hōpoi’a
’Ua māuruuru roa te Fatu nō tō ’oe hina’aro ’ia tāvini i roto i tāna ’Ēkālesia. E ’ite mai ’oe i raro nei i te hō’ē hi’ora’a o te mau hōpoi’a nō tō ’oe pi’ira’a.
Te fā o te Ha’api’ira’a Sābati
E tauturu te Ha’api’ira’a Sābati i te fa’atupu i te ’ohipa a te Atua nō te fa’aorara’a ’e te fa’ateiteira’a maoti te tauturura’a i te mau tamari’i a te Atua ’ia ha’api’i mai ’e ’ia ora i te ’evanelia a Iesu Mesia (hi’o Buka arata’i rahi, 13.1).
Te pāpa’i parau nō te Ha’api’ira’a Sābati o te titi
I raro a’e i te arata’ira’a a te peresideni o te Ha’api’ira’a Sābati nō te titi, teie te mau hōpoi’a a te pāpa’i parau, ’oia ho’i e fa’aineine i te mau tāpura ’ohipa nō te mau rurura’a, e pāpa’i i te mau parau tei parauhia ma te tāpa’o i te mau fa’auera’a ’ohipa i roto i te mau rurura’a peresideni, e ha’apa’o i te tahi atu mau pāpa’a parau ’e e fa’aineine i te mau parau fa’a’ite e anihia e te peresidenira’a ’e e tauturu i te peresidenira’a ’ia fa’aineine i te tāpura faufa’a matahiti (hi’o 6.7.3).
Te mau rurura’a ’e te mau ’āpo’ora’a
E ’āpo’o tāmau te peresidenira’a nō te Ha’api’ira’a Sābati o te titi ’e te pāpa’i parau (hi’o 29.3.4).
Te mau arata’ira’a ’e te mau fa’aturera’a
E ’itehia te tahi atu ā mau arata’ira’a ’e te mau fa’aturera’a i roto i te tuha’a 13.7 o te Buka arata’i rahi.