Lin b’oqb’al jo’ aj tz’iib’anel sa’ li awa’b’ejil re li Dominkil Tzoleb’aal sa’ li oqech
Li k’a’ru teneb’anb’il
Nasaho’ xch’ool li Qaawa’ naq wan aach’ool chi k’anjelak sa’ lix Iglees a’an. Rub’el a’in wan jun xtusulal li k’a’ru teneb’anb’il sa’ laa b’oqb’al.
Li rajom li Dominkil Tzoleb’aal
Li Dominkil Tzoleb’aal natenq’an chixtz’aqob’resinkil ru lix k’anjel li Dios re li kolb’a-ib’ ut re li taqenaqil loq’al rik’in xtenq’ankileb’ li ralal xk’ajol li Dios chixtzolb’al ut chixyu’aminkil lix evangelio li Jesukristo (chi’ilmanq Jolomil K’anjenel Hu, 13.1).
Laj tz’iib’anel sa’ li awa’b’ejil re li Dominkil Tzoleb’aal sa’ li oqech
Chi b’eresinb’il xb’aan li awa’b’ej re li Dominkil Tzoleb’aal sa’ li oqech, teneb’anb’il sa’ xb’een laj tz’iib’anel xkawresinkil xtusulaleb’ li ch’utam, xtz’iib’ankil resil li nayeeman ut xk’eeb’al reetal ani k’eeb’il xtaqlankil sa’eb’ li ch’utam re li awa’b’ejil, xk’uulankil xkomon chik li tz’iib’anb’il hu, xkawresinkileb’ li hu jo’ b’eresinb’il xb’aan li awa’b’ejil, ut tenq’ank chixkawresinkil chan ru taa’oksimanq li tumin chiru li chihab’ (chi’ilmanq 6.7.3).
Eb’ li ch’utam ut eb’ li jolomil ch’uut
Li awa’b’ejil ut laj tz’iib’anel re li Dominkil Tzoleb’aal sa’ li oqech tento te’xk’uub’ xna’leb’ sa’ komonil chi kok’ aj xsa’ (chi’ilmanq 29.3.4).
Li b’eresink ut li chaq’rab’ink
Naru natawman xkomon chik li chaq’rab’ink chirix li Dominkil Tzoleb’aal sa’ li tasal 13.7 re li Jolomil K’anjenel Hu