Үүрэг хариуцлагууд

Ням гаргийн анги нь Бурханы хүүхдүүд Есүс Христийн сайн мэдээг судалж, түүний дагуу амьдрахад нь туслах замаар Бурханы аврал болон өргөмжлөлийн ажлыг гүйцэлдүүлэхэд тусалдаг (Ерөнхий гарын авлага, 13.1-ийг үзнэ үү).

Гадасны Ням гаргийн ангийн ерөнхийлөгчийн зөвлөлийн үүрэг хариуцлагуудад гадасны гишүүд болон гэр бүлүүдийн итгэлийг хөгжүүлж, бэхжүүлэх, шинээр дуудагдсан тойргийн Ням гаргийн ангийн ерөнхийлөгчийн зөвлөлийн гишүүдэд зааж сургах, байнга дэмжлэг тусламж, заавар өгөх нь багтдаг (6.7.1-ийг үзнэ үү). Зөвлөхүүд түүнчлэн гадасны Ням гаргийн ангийн ерөнхийлөгчид нэмэлт үүрэг даалгавар гүйцэтгэхэд нь дэмжлэг үзүүлдэг.

Гадасны Ням гаргийн ангийн ерөнхийлөгчийн зөвлөл тогтмол хуралдана. Тойргийн Ням гаргийн ангийн удирдагчдад үүргийг нь заах, удирдагч, багшийн хувьд сайжрахад нь тусалж, Есүс Христэд итгэх итгэлийг нь хүчирхэгжүүлэхээр гадасны удирдлагын хурлыг төлөвлөн зохион байгуулна (29.3.4-ийг үзнэ үү).

Нэмэлт удирдамж, бодлого журмыг Ерөнхий гарын авлагын 13.7-р хэсгээс үзэж болно.