Kūr eo aō āinwōt juon Būreejtōn an Jabōt Jikuuļ
Eddo ko
Irooj ej m̧ōņōņō kōn wūjlepļo̧k eo am̧ n̄an jerbal ilo Kabun̄ in An. Ijin ilaļ ej juon kōmeļeļe kōn eddo ko n̄an kūr eo am̧.
Jibadbad eo an Jabōt Jikuuļ
Jabōt Jikuuļ ej jipan̄ kōtōprak jerbal in lo̧mo̧o̧r eo an Anij im mour ijo eutiej tata n̄an jipan̄ ajri ro nejin Anij ekkatak im mour kōn gospel eo an Jisōs Kraist (lale Bok in Bōk Meļeļe Eļap, 13.1).
Būreejtōn eo an Stake Jabōt Jikuuļ
Eddo ko an stake būreejtōnji eo an Jabōt Jikuuļ ekitbuuj jerbal n̄an kalōk tōmak im kōkajoorļo̧k kajjojo armej im baam̧le ko ilo stake eo, kajineet ward būreejtōnji ro rekāāl an Jabōt Jikuuļ, im leļo̧k jipan̄ eo ejjab jem̧ļo̧k im naan in kōmeļeļe (lale 6.7.1). Rikakpilōklōk ro rej barāinwōt jipan̄ stake būreejtōn eo an Jabōt Jikuuļ kōn ijjitōn̄ ko jet.
Kweilo̧k ko im Ko̧o̧njeļ ko
Stake būreejtōnji eo an Jabōt Jikuuļ emakijkij aer ko̧o̧njeļ ippān doon. Rej karōk im kōjeikiik stake kweilo̧k ko n̄an katakin ritōl ro an ward Jabōt Jikuuļ kōn jerbal ko aer, jipan̄ er em̧m̧anļo̧k āinwōt ritōl ro im rūkaki ro, im kōkajoorļo̧k tōmak eo aer ilo Jisōs Kraist (lale 29.3.4).
Unin Tōl ko im Kakien ko
Kakkobaba in unin tōl ko jet im kakien ko loi ilo jekjōn 13.7 in Bok in Bōk Meļeļe Eļap.