Ko Hoku Uiuiʻi ko ha Tokoni ʻi he Kau Palesitenisī ʻo e Lautohi Faka-Sāpate ʻi he Siteikí
Ngaahi Fatongiá
ʻOku houngaʻia ʻa e ʻEikí ʻi hoʻo loto-fiemālie ke ngāue ʻi Hono Siasí. ʻOku ʻoatu ʻi lalo ha vakai fakalūkufua ki he ngaahi fatongia ʻi hoʻo uiuiʻí.
Taumuʻa ʻo e Lautohi Faka-Sāpaté
ʻOku tokoni ʻa e Lautohi Faka-Sāpaté ke fakahoko e ngāue ʻa e ʻOtuá ki he fakamoʻuí mo e hakeakiʻí ʻaki hono tokoniʻi e fānau ʻa e ʻOtuá ke nau ako mo moʻui ʻaki e ongoongolelei ʻo Sīsū Kalaisí (vakai, Tohi Tuʻutuʻuni Fakakātoá, 13.1).
Tokoni ʻi he Lautohi Faka-Sāpate ʻi he Siteikí
ʻOku kau ʻi he ngaahi fatongia ʻo e kau palesitenisī ʻo e Lautohi Faka-Sāpaté ʻi he siteikí ʻa e ngāue ke langaki ʻa e tuí mo fakamālohia ʻa e fakafoʻituituí mo e ngaahi fāmili ʻi he siteikí, fakataukeiʻi ʻo e kau palesitenisī ʻo e Lautohi Faka-Sāpate ʻo e uōtí ne toki uiuiʻi foʻoú, pea fai maʻu pē ha poupou mo ha fakahinohino (vakai, 6.7.1). ʻE toe poupouʻi foki ʻe he ongo tokoní ʻa e palesiteni ʻo e Lautohi Faka-Sāpate ʻi he siteikí mo ha ngaahi ngāue kehe.
Ngaahi Fakatahá mo e Ngaahi Fakataha Alēleá
ʻOku totonu ke fealēleaʻaki fakataha maʻu pē ʻa e kau palesitenisī ʻo e Lautohi Faka-Sapate ʻi he siteikí. Te nau palani mo tataki ʻa e ngaahi fakataha fakatakimuʻa ʻa e siteikí ke akoʻi ʻa e kau taki ʻo e Lautohi Faka-Sāpaté ʻi he uōtí ʻi honau ngaahi fatongiá, tokoniʻi kinautolu ke nau fakalakalaka ʻi heʻenau hoko ko e kau taki mo e kau faiakó, pea mo fakamālohia ʻenau tui kia Sīsū Kalaisí (vakai, 29.3.4).
Ngaahi Fakahinohinó mo e Ngaahi Tuʻutuʻuní
ʻOku maʻu ha ngaahi fakahinohino mo ha ngaahi tuʻutuʻuni lahi ange ʻi he konga 13.7 ʻo e Tohi Tuʻutuʻuni Fakakātoá.