Tō’u pi’ira’a ’ei tauturu i roto i te peresidenira’a nō te Ha’api’ira’a Sābati o te titi
Te mau hōpoi’a
’Ua māuruuru roa te Fatu nō tō ’oe hina’aro ’ia tāvini i roto i tāna ’Ēkālesia. E ’ite mai ’oe i raro nei i te hō’ē hi’ora’a o te mau hōpoi’a nō tō ’oe pi’ira’a.
Te fā o te Ha’api’ira’a Sābati
E tauturu te Ha’api’ira’a Sābati i te fa’atupu i te ’ohipa a te Atua nō te fa’aorara’a ’e te fa’ateiteira’a maoti te tauturura’a i te mau tamari’i a te Atua ’ia ha’api’i mai ’e ’ia ora i te ’evanelia a Iesu Mesia (hi’o Buka arata’i rahi, 13.1).
Te tauturu nō te Ha’api’ira’a Sābati o te titi
I roto i te mau hōpoi’a a te peresidenira’a Ha’api’ira’a Sābati o te titi, tē vai ra te ’ohipara’a nō te patu i te fa’aro’o ’e nō te ha’apūai i te mau ta’ata ’e te mau ’utuāfare i roto i te titi, te hōro’ara’a i te ha’api’ipi’ira’a mātāmua o te mau peresidenira’a Ha’api’ira’a Sābati o te pāroita ’e te fa’afāna’ora’a i te turu tāmau ’e te arata’ira’a tāmau (hi’o 6.7.1). E turu ato’a nā tauturu i te peresideni o te Ha’api’ira’a Sābati o te titi i roto i te tahi atu ā mau fa’auera’a ’ohipa.
Te mau rurura’a ’e te mau ’āpo’ora’a
E ’āpo’o tāmau te peresidenira’a Ha’api’ira’a Sābati o te titi. E fa’anaho ’e e fa’atere rātou i te mau rurura’a feiā fa’atere o te titi nō te ha’api’i i te feiā fa’atere o te Ha’api’ira’a Sābati o te pāroita i tā rātou mau hōpoi’a, nō te tauturu i te ha’amaita’ira’a ia rātou ’ei feiā fa’atere ’e ’ei ’orometua ha’api’i, ’e nō te ha’apūai i tō rātou fa’aro’o ia Iesu Mesia (hi’o 29.3.4).
Te mau arata’ira’a ’e te mau fa’aturera’a
E ’itehia te tahi atu ā mau arata’ira’a ’e te mau fa’aturera’a i roto i te tuha’a 13.7 o te Buka arata’i rahi.