Li k’a’ru teneb’anb’il

Li Dominkil Tzoleb’aal natenq’an chixtz’aqob’resinkil ru lix k’anjel li Dios re li kolb’a-ib’ ut re li taqenaqil loq’al rik’in xtenq’ankileb’ li ralal xk’ajol li Dios chixtzolb’al ut chixyu’aminkil lix evangelio li Jesukristo (chi’ilmanq Jolomil K’anjenel Hu, 13.1).

Li awa’b’ejil re li Dominkil Tzoleb’aal sa’ li oqech nak’anjelak re xnimob’resinkil li paab’aal ut xkawresinkileb’ li komon ut li junkab’al sa’ li oqech, xk’eeb’al xtzolb’aleb’ li ak’ awa’b’ejil re li Dominkil Tzoleb’aal sa’eb’ li teep, ut xk’eeb’al xkomon chik li tenq’ ut li na’leb’ (chi’ilmanq 6.7.1). Eb’ laj tenq’ aj k’ehol na’leb’ neke’xtenq’a ajwi’ li awa’b’ej re li Dominkil Tzoleb’aal sa’ xkomon chik li k’anjel.

Eb’ li komon sa’ li awa’b’ejil re li Dominkil Tzoleb’aal sa’ li oqech tento te’xk’uub’ xna’leb’ sa’ komonil chi kok’ aj xsa’. Neke’xk’uub’ ut neke’xjolomiheb’ li ch’utam sa’ li oqech re naq te’xk’ut chiruheb’ laj jolominel sa’ li Dominkil Tzoleb’aal sa’eb’ li teep k’a’ru xteneb’ankileb’, re naq te’xtenq’aheb’ chi chaab’ilo’k jo’ aj jolominel ut aj k’utunel, ut re naq te’xkawresi xpaab’aaleb’ chirix li Jesukristo (chi’ilmanq 29.3.4).

Naru natawman xkomon chik li chaq’rab’ink chirix li Dominkil Tzoleb’aal sa’ li tasal 13.7 re li Jolomil K’anjenel Hu