Mwioko

E ibuobuoki te Reirei n Tabati ni kakoroa bukin ana mwakuri ni kamaiu ao ni karietaata te Atua man buokaia natin te Atua n reiakina ao ni maiuakina ana euangkerio Iesu Kristo (taraa Aeniboki ni Kabuta, 13.1).

Taben te beretitentii n te Reirei n Tabati n te titeiki bon mwakurian katean te onimaki ao kakorakoraoia aomata n tatabemaniia ao utu i nanon te titeiki, baairean wetean beretitentii aika a boou n te Tabati n te uoote, ao katauraoan boutoka ae reitinako ao kaetieti (taraa 6.7.1). A boutokaa te beretitenti n te Reirei n Tabati n te titeiki taian kauntira ma beeku aika a raka riki.

A bootaki n reirei ni ikotaki te beretitentii n te Reirei n Tabati n te titeiki. A baairei ao ni waakinii boowi ni kairiiri irouia taan kairiiri n te titeiki n reiakiniia taan kairiiri n te Reirei n Tabati n te uote, buokiia bwa a na karikirakea aroia ngkai taai n kairiiri ao taan reirei, ao ni kakorakorai aia onimaki iroun Iesu Kristo (taraa 29.3.4).

Rakan kainibaire riki tabeua ao kaetieti a reke inanon mwakoro 13.7 n te Aeniboki ni Kabuta.