Nakoau ae te Beretitenti n te Bootaki n Aine n te Titeiki
Mwioko
E kakaitau te Uea ibukin nanom ni kan beku n Ana Ekaretia. Aika a oti i nano bon rinanoakin mwioko ibukin weteam.
Te Kantaninga ibukin te Bootaki n Aine
Te Bootaki n Aine bon te bootaki ae roko mai ieta ibukiia aine aika a ikawai n te Ekaretia. E buokiia natin te Atua te Bootaki n Aine ni katauraoiia n oki Nakoina. E reirei te Burabeti Iotebwa Timiti bwa oin te kaantaninga n te Bootaki n Aine bon “kamaiuakiia tamnei ao kabebetean rawawata”—katauraoan ana kabebete te Tia Kamaiu (taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 9.1).
Te Beretitenti n te Bootaki n Aine n te Titeiki
A mwaiti mwiokoaia kaain te beretitentii n te Bootaki n Aine n te Titeiki ni ikotaki ma weteakiia kaain te beretitentii n te Bootaki n Aine n te uoote ao karekean te boutoka ae reitinako; anga te reirei i aon moan tua n te mwakuri ni ibuobuoki nakoia beretitenti n te Bootaki n Aine n taian uoote, rongorongon te utu ao te mwakuri ni mitinare (taraa 9.5); kakorakoraia Titita aika kairake n ikawai aika a tuai iein; tararuai kekeiaki n tain kabuanibwai aika a karina; marooro ni bootaki n toa ao waaki riki tabeua; ao kaean aia boowi te Botaki n Aine n uoote (taraa 6.7.1).
Boowi ao Kauntira
Te beretitentii n te Bootaki n Aine n te titeiki a uaia ni bootaki n reirei n taainako. E beku te membwa n te beretitentii ibukiia kairake ni ikawa ao n te komete irouia kairake ni ikawai aika a tuai iein, ngkana e barongaaki. E na irii taian boowi ni kairiiri n te titeiki te beretitenti ni katoa ririki ao n angaanga kaetieti nakoia beretitentii n te Bootaki n Aine n te uoote i nanon boowi akanne (taraa 29.3.4), e beku n te kauntira n tararua irouia ikawai n te titeiki (ti beretitenti) ao komete, ao n irii boowi ni kauntira n ibuobuoki ngkana a kaoaki iroun te Itingaun n te Aono (taraa 29.4).
Mwakuri n Ibuobuoki ao Waaki ni Kakukurei
Te beretitentii n te Bootaki n Aine n te titeiki a na kona ni bairei ao ni karaoa teuana ke uoua bootakin te Bootaki n Aine ni katoa ririki ibukiia titita i nanon te titeiki. Boowi aikai ana kona n raonaki ma mwakuri ni ibuobuoki, kiraati, karikirake, maungatabu, ke angareirei ni kataneiai (taraa 6.7.1.1). Te Bootaki n Aine n te titeiki, Kairake n Ataeinnaine, ao beretitentii n te Moanrinan a na bairei waaki ni kakukurei aika a ikotaki ibukin aia botaki (taraa 6.7.1).
Kainibaire ao Kaetieti
A kuneaki kainibaire ao kaetieti i nanon mwakoro 9.6 n te Aeniboki ni Kabuta.