Mwioko

E ibuobuoki nakoia ataei te Moanrinan n namakina ana tangira Tamaia are i Karawa; n reiakina taekan ana babaire ni kakukurei; ni maiuakin ana euangkerio Iesu Kristo; ao n namakina, ni kinaa, ao ni karaoa nanon ana wirikiriki te Tamnei ae Raoiroi. Te Moanrinan bon te tai naba ni katauraoi ibukin, karaoan, ao kawakinan berita aika tabu n aroia ataei n ira waakin ana mwakuri te Atua ibukin te kamaiu ao te kairietataaki. (Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 12.1.)

Te tia koroboki n te Moanrinan n te titeiki e boutokaa te beretitentii n te Moanrinan n te Titeiki. Iaan ana kairiiri te beretitenti n te Moanrinan, te tia koroboki e tabeakina katauraoan te akenta ibukin ana boowi te beretitentii, koro rongorongo n tain te boowi n te beretitentii ao n taui mwiin katabeaki, taua mwiin rekooti ao ni katauraoi rekooti ake e tangiria te beretitentii, buoka te beretitenti n katauraoi ana kataumwane ibukin te ririki ibukin aia bootaki, taua mwiin te kabanemwane, ao n anga te kataneiaia ibukiia taan koroboki n taian uoote are e katabeaki iai (taraa 6.7.3).

Ni kabane ikawai ake a mwakuri ma ataei ao kairake a riai ni kabwanina te angareirei ibukin Kamanoaia Ataei ao Kairake teuana te namwakaina man te tai are a kamatoaaki iai (ProtectingChildren.ChurchofJesusChrist.org). Kainibaire ao kaetieti ni kaineti ma ataei aika iai kainnanoia aika a onoti, bwaai aika a kainnanoaki ibukin te kamanoaki, aia burokuraem Ataei ao Kairake, ao tabeua riki a kona n reke inanon mwakoro 12.5 n te Aeniboki ni Kabuta.