My Roeping as ʼn Pen Primêre Organisasie-sekretaresse
Verantwoordelikhede
Die Here is dankbaar vir jou bereidwilligheid om in sy Kerk te dien. Hieronder is ʼn oorsig van die verantwoordelikhede van jou roeping.
Doel van die Primêre Organisasie
Die Primêre Organisasie help kinders om hulle Hemelse Vader se liefde te voel; te leer van sy plan van geluk; die evangelie van Jesus Christus uit te leef; en die invloed van die Heilige Gees te voel, te herken en daarop te handel. Die Primêre Organisasie bied ook ʼn geleentheid vir kinders om vir heilige verbonde voor te berei, te sluit en te onderhou terwyl hulle deelneem aan God se verlossingswerk en verheffing. (Sien Algemene Handleiding: Diens in Die Kerk van Jesus Christus van die Heiliges van die Laaste Dae, 12.1.)
Pen Primêre Organisasie-sekretaresse
Die pen Primêre Organisasie-sekretaresse ondersteun die pen Primêre Organisasie-presidensie. Onder leiding van die Primêre Organisasie-president is die sekretaresse verantwoordelik om agendas vir presidensievergaderings voor te berei, aantekeninge te maak in presidensievergaderings en rekord te hou van opdragte, om ander rekords te hou en verslae voor te berei soos deur die presidensie versoek, die presidensie te help om die jaarlikse begroting vir hul organisasie voor te berei, rekenskap te gee van uitgawes en opleiding te verskaf aan wyksorganisasie-sekretaresses soos toegewys (sien 6.7.3).
Riglyne en Beleide
Alle volwassenes wat met kinders of jeugdiges werk moet die Kinder- en Jeugbeskermingsopleiding binne een maand nadat hulle onderskraag is, voltooi (ProtectingChildren.ChurchofJesusChrist.org). Riglyne en beleide rakende kinders met gestremdhede, veiligheidsbehoeftes, die Kinder- en Jeugprogram, en meer kan gevind word in afdeling 12.5 van die Algemene Handleiding.