Mwioko

Anene aika a tabu a karikirakea ara onimaki iroun Iesu Kristo. E karokoa te Tamnei ae raoiroi ao e anganiira reirei. E karekea naba te namakin ni karinerine, e katiteuanaia membwa, ao e anga te kawai ibukin neboan Tamara are i Karawa ao Iesu Kristo. E taetae te Uea, “Bwa e kimwareirei tamneiu n te anene man te nano” (Reirei ao Berita aika Tabu 25:12). (Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 19.1.)

Te kouoteneita n te katangitang n te titeiki e buokiia membwa n te uoote n karikirakea aia onimaki ao neboan Tamaia are i Karawa ao Iesu Kristo man anene aika tabu. A na reitaki ma te beretitenti n te titeiki ni bairei anene ibukin ana maungatabu te titeiki ao bootaki riki tabeua. Rinean taian anene a riai n kakorakoraa tamnein te nebonebo ao n reiakina te euangkerio ma te mwaaka ao te mataata. (Taraa 19.3.1.) Kouoteneita n te katangitang a beku bwa taan ibuobuoki nakoia taan kairiiri n te titeiki iaon babaire ake a irekereke ma te katangitang (taraa 19.5.2).

“Anene aika a riinga te nano bon ngaia te mwakoro ae kakaawaki inanon ara bootaki n taromauri” (Anene n Taromauri, First Presidency Preface). N te maungatabu n te titeiki a karinaki anene n taromauri ao tabeua riki anene aika a rineaki man te kuaea, temanna te tia anene, ke kurubu aika a uarereke (taraa 19.3.4). A konaa naba ni kabonganaaki anene n taromauri ao tabeua riki anene aika a tabu ake a rineaki ibukin anene ni kaukuuki ao ni kainiin, te kuaea, ao anga reirei mairoun temanna ke man kurubu aika uarereke. Kouoteneita n te katangitang n te Titeiki a kona n uotarake ana kuaea te titeiki ke titeiki tabeua ibukin te maungatabu ke bootaki riki tabeua, n aron bootaki n te komiunite (taraa 19.3.7.2).

Kouoteneita n te katangitang n te Titeiki a uotarake ao n tararua te kataneiai n te anene n te titeiki n aron ae kainanoaki. A katauraoa te kataneiai ao a boutoka nakoia kouoteneita n te anene n te uoote. (Taraa 19.6.) Ngkana te tia katangitang ae tauraoi ibukin boowi n te titeiki, taraa mwakoro 19.4.3.2 n te Aeniboki ni Kabuta ni karekea te katangitang are e a tia n tauaki mwiina.

Ibukin riki kaetieti ao kainibaire, n aron karekean te katangitang, kabonganaan bwaai ni katangitang n auti n bootaki ibukin te kataneiai, ke te kuaea n te komiunite, taraa mwakoro 19.7 n te Aeniboki ni Kabuta.