Tiutetauave

O le Aualofa o se faalapotopotoga na faatuina faalelagi mo tamaitai matutua uma i le Ekalesia. O le Aualofa e fesoasoani i fanau a le Atua e sauniuni ai e toe foi atu i Lona afioaga. Na aoao mai le Perofeta o Iosefa Samita e faapea o le faamoemoega o le Aualofa o le “laveai o agaga ma faamama i mafatiaga”—tuuina atu o le mapusaga o le Faaola (tagai i le Tusitaulima Aoao, 9.1).

Ua valaauina faiaoga e fesoasoani i tagata ia faamalolosia lo latou faatuatua i le Tama Faalelagi ma Iesu Keriso. E lagolagoina e faiaoga o le Aualofa le au peresitene. E filifili ma le agaga tatalo e le au peresitene o le Aualofa ia savali e aoao atu e fua i manaoga o tuafafine (tagai i le 9.2.1.2).

E potopoto aualofa i Aso Sa lona lua ma lona fa faatasi ai ma se faamoemoega e faateleina le faatuatua ia Iesu Keriso, fausia le lotogatasi, ma faamalolosia aiga ma auaiga. O sauniga e amata i le tatalo ma ia aofia ai le taimi mo le fefautuaai faatasi ma aoaoga anoa ma talanoaga o le talalelei e faavae i lauga o konafesi talu ai nei (tagai i le 9.2.1.2).

O le A’oa’o Atu i le Ala a le Faaola o se matafaioi ma se tiutetauave paia. Pe a a’oa’o atu le talalelei, e mulimuli i le faataitaiga a le Faaola, Faiaoga o Faiaoga. O faiaoga o le Aualofa e mulimuli i mataupu faavae o loo i le Aoao Atu i le Ala a le Faaola ma le mataupu 17 o le Tusitaulima Aoao (tagai i le 17.1).

Pe a oo ina a’oa’o e tagata o le au paia le talalelei ma ola ai i le aiga, e loloto lo latou liua i le Tama Faalelagi ma Iesu Keriso. E faamalosiau e taitai o le Aualofa le usoga ia suesue e le tagata lava ia faapea ma o latou aiga ia tusitusiga paia ma upu a perofeta soifua (tagai i le 17.2).