Eddo ko

Doulul eo an Kōrā ro ej juon doulul eo ekwojarjar kar karōke n̄an kōrā ro rōrūtto ilo Kabun̄ in. Doulul eo an Kōrā ro ej jipan̄ ajri ro nejin Anij m̧aanjabpopo n̄an jepļaakļo̧k n̄an im̧aan Mejān. Rikanaan eo Josep Smith ekar katakin bwe jibadbad eo an Doulul eo an Kōrā ro ej n̄an “lo̧mo̧o̧ren jetōb ko im kōmeraik en̄taan ko”—ilo ad leļo̧k jipan̄ eo an Rilo̧mo̧o̧r (lale Bok in Bōk Meļeļe Eo Elap, 9.1).

Rūkaki ro rej kūr n̄an jipan̄ armej ro kōkajoorļo̧k tōmak eo aer ilo Jemedwōj Ilan̄ im Jisōs Kraist. Rūkaki ro an Doulul eo an Kōrā ro rej jipan̄ būreejtōnji eo. Būreejtōnji eo an Doulul eo an Kōrā ro rej jar im kāālet ennaan ko n̄an ekkōnono ko pedped ioon aikuj ko an sister ro (lale 9.2.1.2).

Doulul eo an Kōrā ro rej kweilo̧k ilo Jabōt ruo im emān kōn juon jipadpad n̄an kōļapļo̧k tōmak ilo Jisōs Kraist, kalōk jerbal ippān doon, im kōkajoorļo̧k baam̧le ko im m̧ōko. Kweilo̧k ko rej ijjino kōn jar im ekoba jidik iien n̄an kapilōk doon n̄an ekkatak gospel eo im kōnono eo en pedped ioon kweilo̧k eo eļap eo ej kab jem̧ļo̧k ļo̧k (lale 9.2.1.2).

Katakin ilo wāween eo an Rilo̧mo̧o̧r eo ej juon lōke im eddo ekwojarjar. N̄e katakin kōn gospel eo, ļoor waanjon̄o̧k eo an Rilo̧mo̧o̧r, eo ej M̧aajta Rūkaki. Rūkaki ro ilo Doulul eo an Kōrā rej ļoore pedped in katak ko ilo Katakin ilo Wāween eo an Rilo̧mo̧o̧r im jebta 17 in Bok in Bōk Meļeļe Eo Eļap (lale 17.1).

N̄e membōr ro rej ekkatak im mour kōn gospel eo ilo m̧ōko m̧weer, oktak in mour ko aer n̄an Jemedwōj Ilan̄ im Jisōs Kraist ej m̧wūlaļļo̧k. Ritōl ro an Doulul eo an Kōrā ro rej kōketak sister ro n̄an ekkatak jeje ko rekwojarjar im naan ko an rikanaan ro remour, ippān kajjojo armej im ippān baam̧le ko aer (lale 17.2).