Li k’a’ru teneb’anb’il

Li Komonil re Tenq’ank a’an jun ch’uut k’uub’anb’il sa’ choxahilal choq’ reheb’ chixjunileb’ li ixq sa’ li Iglees. Li Komonil re Tenq’ank naxtenq’aheb’ li ralal xk’ajol li Dios chixkawresinkil rib’ re sutq’iik rik’in a’an. Li profeet aj Jose Smith kixk’ut naq li rajom li Komonil re Tenq’ank a’an “xkolb’aleb’ li aamej ut xk’osb’al li rahilal”—rik’in xk’eeb’al li tenq’ li naxk’e li Kolonel (chi’ilmanq Jolomil K’anjenel Hu, 9.1).

Neke’b’oqman laj k’utunel re xtenq’ankileb’ li komon chixkawob’resinkil lix paab’aaleb’ chirix li qaChoxahil Yuwa’ ut li Jesukristo. Eb’ laj k’utunel sa’ li Komonil re Tenq’ank neke’xtenq’a li awa’b’ejil. Li awa’b’ejil re li Komonil re Tenq’ank neke’tijok ut neke’xsik’ li k’a’ru taatzolmanq a’ yaal li neke’raj ru li komon ixq (chi’ilmanq 9.2.1.2).

Eb’ li Komonil re Tenq’ank neke’xch’utub’ rib’ chiru li xkab’ ut li xkaa domingo re li po, re xnimob’resinkil li paab’aal chirix li Jesukristo, re xkawob’resinkil li junajil, ut re xkawresinkileb’ li junkab’al ut li ochoch. Li ch’utam natikla rik’in tijok ut wan li hoonal re k’uub’ank na’leb’ sa’ komonil ut tzolok ut aatinak chirix li evangelio rik’in li na’leb’ yeeb’il sa’ li jolomil ch’utub’aj-ib’ xnume’ (chi’ilmanq 9.2.1.2).

Li k’utuk jo’ li Kolonel a’an jun loq’laj k’anjel ut teneb’ahom. Naq nakak’ut li evangelio, taaqe li Kolonel, a’an li Nimla K’utunel. Eb’ laj k’utunel sa’ li Komonil re Tenq’ank neke’xtaaqe li na’leb’ wan sa’ Li K’utuk jo’ li Kolonel ut sa’ li ch’ol 17 re li Jolomil K’anjenel Hu (chi’ilmanq 17.1).

Naq eb’ li komon neke’xtzol ut neke’xyu’ami li evangelio sa’ rochocheb’, naniman xjalajik lix ch’ooleb’ rik’in li qaChoxahil Yuwa’ ut li Jesukristo. Eb’ laj k’utunel sa’ li Komonil re Tenq’ank neke’xwaklesi xch’ooleb’ li komon ixq chixtzolb’aleb’ li loq’laj hu ut li raatineb’ li yo’yookil profeet, sa’ junesal ut sa’ junkab’al (chi’ilmanq 17.2).