Mwioko

Te Bootaki n Aine bon te bootaki ae roko mai ieta ibukiia aine aika a ikawai n te Ekaretia. E buokiia natin te Atua te Bootaki n Aine ni katauraoiia n oki Nakoina. E reirei te Burabeti Iotebwa Timiti bwa oin te kaantaninga n te Bootaki n Aine bon “kamaiuakiia tamnei ao kabebetean rawawata”—man katauraoan ana kabebete te Tia Kamaiu (taraa Aeniboki ni Kabuta, 9.1).

A weteaki taan reirei n te euangkerio bwa a na buokiia aomata ni kakorakorai aia onimaki iroun Tamara are i Karawa ao Iesu Kristo. Taan reirei n te Bootaki n Aine a boutoka te beretitentii. Te beretitentii n te Bootaki n Aine a tataromwaaka n rinei marooro ake a na reiakinaki ni kaineti ma kainnanoia aine (taraa 9.2.1.2).

A bootaki te Bootaki n Aine n kauouan ao kaauan Tabati ma te kaantaninga ni kakorakoraan te onimaki iroun Iesu Kristo, karekean te boonnano, ao kakorakoraia utu ao mweenga. E na moanaki boowi ma te tataro ao ni kaaria ma te tai ni ikotaki ni marooro ao kaetieti iaon te euangkerio ao marooro ni boboto iaon reirei man te maungatabu aika tibwa nako (taraa 9.2.1.2).

Te Anga Reirei n ana Kawai te Tia Kamaiu bon te onimakinaki ao te tibwanga ae tabu. Ngkana ko anga reirei iaon taekan te euangkerio, ira ana katooto Iesu Kristo, are bon te Mataniwi n Tia Reirei. Taan reirei n te Bootaki n Aine a irii tuua inanon Reirei n ana Kawai te Tia Kamaiu ao mwakoro 17 n te Aeniboki ni Kabuta (taraa 17.1).

Ngkana membwa a reiakina ao a maiuakina te euangkerio n te mweenga, e na kamatoaki riki rairakiia nakon Tamara are i Karawa ao Iesu Kristo. Taan kairiiri n te Bootaki n Aine a kaungaia aine bwa a na kamatebwai koroboki aika a tabu ao aia taeka burabeti aika maiu, n tatabemaniia ma aia utu (taraa 17.2).