iTavi eso

Na Soqosoqo ni Veivukei e dua na mataisoqosoqo yavutaki vakalou me baleti ira taucoko na marama uabula ena Lotu. Na iSoqosoqo ni Veivukei e vukei ira na luve ni Kalou me ra vakavakarau me ra lesu tale ki na Nona iserau. E vakatavulica na Parofita o Josefa Simici ni inaki ni Soqosoqo ni Veivukei sa ikoya me “vakabulai na yalo kei na veivakacegui mai na rarawa”—ena vakarautaki ni veivuke ni iVakabula (raica na iVoladusidusi Raraba: Veiqaravi ena Lotu i Jisu Karisito ni Yalododonu Edaidai, 9.1).

Era kacivi na qasenivuli me ra vukea na tamata ni vaqaqacotaka na nodra vakabauta na Tamada Vakalomalagi kei Jisu Karisito. Era tokona na mataveiliutaki na qasenivuli ni Soqosoqo ni Veivukei. Na peresitedi ni Soqosoqo ni Veivukei me na masulaka ka digia na itukutuku mena vakatavulici me ganita na nodra gagadre na marama (see 9.2.1.2).

Era dau sota na Soqosoqo ni Veivukei ena ikarua kei na ikava ni Sigatabu ena dua na inaki me vakalevutaki kina na vakabauti Jisu Karisito, toroi cake na duavata, ka vakaqaqacotaki na matavuvale kei na itikotiko. Na soqoni e tekivu ena masu ka oka kina na gauna ni veivakasalataki vata kei na veivakasalataki vakosipeli kei na veivosaki ka yavutaki ena vosa ni koniferedi se qai vakayacori oti ga (raica na 9.2.1.2).

Na veivakatavulici ena ivakarau ni iVakabula e sa dua na veivakabauti ka ilesilesi tabu sara. Ni vakatavulici na kosipeli, era muria na itubutubu, qasenivuli, kei na iliuliu na ivakaraitaki i Jisu Karisito, na Qasenivuli Levu. Era muria na qasenivuli ena iSoqosoqo ni Veivukei na ivakavuvuli ena Veivakavulici ena iVakarau ni iVakabula kei na wase 17 ni iVoladusidusi Raraba (raica 17.1).

Nira vulica ka bulataka na lewenilotu na kosipeli e vale, sa vakatitobutaki na nodra saumaki mai kivua na Tamada Vakalomalagi kei Jisu Karisito. Era vakayaloqaqataki ira na marama na iliuliu ni iSoqosoqo ni Veivukei mera vulica na ivolanikalou kei na nodra vosa na parofita bula, vakai ira kei na nodra matavuvale (raica 17.2).