Mwioko

Te Moanrinan e buokiia ataei n namakina ana tangira Tamaia are i Karawa; n reiakina taekan ana babaire ni kakukurei; ni maiuakin ana euangkerio Iesu Kristo; ao n namakina, ni kinaa, ao ni karaoa nanon ana wirikiriki te Tamnei ae Raoiroi. Te Moanrinan bon te tai naba ni katauraoi ibukin, karaoan, ao kawakinan berita aika tabu n aroia ataei n ira waakin ana mwakuri te Atua ibukin te kamaiu ao te kairietataaki. (Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 12.1.)

Reireinakiia Natin te Atua bon te tibwanga ae tabu. Taan reirei n te Moanrinan aikai a rineaki bwa a na reirei man ibuobuoki nakoia ataei ake a kurubunaki nakon aia ririki (taraa 12.3.5). A kamatebwaia te euangkerio ao a tibwauai baike a reiakin ma ataei. Taan reirei a kaungaia ataei ao aia utu bwa a na reirei te euangkerio n te mweenga. A kaoiia ataei bwa a na tibwauaia n te taromauri te bwai are a tia n reiakinna ni mweengaia (taraa 12.2.1.2).

Taan reirei n te Moanrinan a angareirei man Nakomai, Iriirai. A irii reirei i nanon Reirei n ana Kawai te Tia Kamaiu ao mwakoro 17 n te Aeniboki ni Kabuta. Ngkana ikawai a reireiniia ataei n ana tabo te Ekaretia, a riai n roko uoman ikawai ake a mwiokoaki (taraa 12.3.5).

Ni kabane ikawai ake a mwakuri ma ataei ao kairake a riai ni kabwanina aia reirei ibukin kamanoaia ataei ao kairake teuana te namwakaina man te tai are a kamatoaaki iai (ProtectingChildren.ChurchofJesusChrist.org). Kainibaire ao kaetieti ni kaineti ma ataei aika iai kainnanoia aika a onoti, bwaai aika a kainnanoaki ibukin te kamanoaki, aia burokuraem Ataei ao Kairake, ao tabeua riki a kona n reke inanon mwakoro 12.5 n te Aeniboki ni Kabuta.