Mwiokoam

E buokiia ataei te Moanrinan n namakina ana tangira Tamaia are Ikarawa; reiakina taekan Ana babaire ae kakukurei; maiuakinan ana euangkerio Iesu Kristo; ao n namakinna, ni kinaa, ao ni mwakuria ana wirikiriki te Tamnei ae Raoiroi. Te Moanrinan bon aia tai naba ataei ni katauraoiia bwa na, karaoi, ao ni kawakin berita aika tabu ngkai a ira karaoan ana mwakuri te Atua ibukin te kamaiuaki ao te karietataaki. (Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 12.1.)

Te tia koroboki n te Moanrinan e na buoka ana beretitentii ibukin barongaan te Moanrinan. Te tia koroboki e na bon kauringiia kain ana beretitentii ataei aika boou ao ake a kawara aia reirei, ataei ake a tau ibukin te bwabetito, ao ataei ake a roko n te mwaneka riki are iaona. E na ibuobuoki ma aia kiraati kain te Moanrinan n te Tabati ao ni katauraoi akenta ke n iriiri boowi. E na mwakuri naba te tia koroboki ma kain te Moanrinan ao tia reirei ke taan kairiiri n te neeturi iaon bwaai aika irekereke ma ataei. (Taraa 12.3.3.)

Bon te mwioko ae tabu n reireiniia ataei. Taan kairiiri n te Moanrinan a tangiriia ao a reireiniia ataei n ana kawai te Tia Kamaiu. A baireaki kaain te kiraati n te moanrinan n aia ririki ao mwaitiia taan reirei aika tauraoi (taraa 12.1.3). Tain te anene e buokiia ataei n namakina ana tangira Tamaia are i Karawa ao n reiakina taekan Ana babaire ni Kakukurei. (taraa 12.1.4).

Taan kairiiri n te Moanrinan a bairei mwakuri aika a kaunga ao waaki ni kakukurei aika a na ibuobuoki ni katabeakia nanon te mwakuri ibukin te kamaiuaki ao te karietataaki. Te mwakuri n ibuobuoki ao waaki ni kakukurei a riai ni karikirakea te onimaki, kakorakoraia utu, ao ni karekei taai ni kakabwaiaia tabeman. Waaki ni kakukurei n te moanrinan a karaoaki uoua te tai n te namwakaina ibukiia ataei ake 8–11 aia ririki ni maiu. (Taraa 12.3.6.)

Ni kabane ikawai ake a mwakuri ma kairake a riai ni kabwanina aia reirei ibukin kamanoaia ataei ao kairake teuana te namwakaina man te tai are a kamatoaaki iai (ProtectingChildren.ChurchofJesusChrist.org). Kainibaire ao kaetieti ibukiia ataei ake iai toaraan rabwataia, bwaai ni kamanomano, aia burokuraem Ataei ao Kairake, a kona ni kuneaki ake tabeua n te mwakoro12.5 man te Aeniboki ni Kabuta.