Taabe

E buokiia ataei te Moanrinan n namakina ana tangira Tamaia are i Karawa ibukiia; n reiakina Ana baire ni kakukurei, ni maiuakina ana euangkerio Iesu Kristo, ao n namakina, ni kinaa, ao ni karaoa nanon ana wirikiriki te Tamnei ae Raoiroi. Te Moanrinan bon te tai naba ni katauraoi, ni karaoi, ao ni kawakin berita aika a tabu ngkai ataei a irii waaki n ana mwakuri te Atua ni kamaiu ao n te karietataaki. (Taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 12.1.)

E buokiia kaaro te Moanrinan ni katauraoia ataei n rin ao ni waaki i aon kawain te berita. Aio bon teuana ibuakon taabe aika a rangi ni kakawaki. E beku te beretitenti bwa kain te kauntira n te uoote. A ikotaki n angiin te tai neiei ao ana kauntira ao ni bobowii naba ma te bitiobi ke ana kauntira te bitiobi are e katabeaki. E tararuai boowin te Moanrinan te beretitentii, karaoi mwakuri n ibuobuoki nakoia ataei n tatabemaniia, taan reirei ao taan kairiiri, ao kainnano ibukin kairan te waaki n te Moanrinan. (Taraa 12.3.2.)

Bon te mwioko ae tabu reireinakiia ataei. A tangiriia ao a reireiniia ataei taan kairiiri n te Moanrinan n ana kawai te Tia Kamaiu. A baireaki kaain te kiraati n te Moanrinan man n aia ririki ao mwaitiia taan reirei aika a tauraoi (taraa 12.1.3). E buokiia ataei tain te anene n namakina ana tangira Tamaia are i Karawa ao n reiakina taekan Ana babaire ni Kakukurei (taraa 12.1.4).

E tei te beretitenti n te Moanrinan ibukin kainnanoia ataei n aia a boowi ao ni maroro ma taan kairiiri n te uoote. E raonaki aio ni boowi aika a waaki nako ma te bitiobi ke kauntira ake a katabeaki, kauntira n te uoote, beretientii ao taan koroboki, kaaro ao tabeman riki. (Taraa 12.3.2.)

Reireinakiia natin te Atua bon te mwioko ae tabu. E anga te boutoka te beretitentii n te Moanrinan nakoia taan Reirei ao Taan Kairiiri n te Moanrinan n tain te kiraati, n tararuakiia ataei ake a uarereke, ao n tain anene (taraa 12.3.5). E na aanga araia tabeman mwaane ao aine te beretitentii n te Moanrinan nakon te bitiobiriki aika a na beku bwa taan reirei ao taan kairiiri n te tabe ibukin tararuaakiia ataei ake a uarereke.

A bairei waaki ni kakukurei taan kairiiri n te Moanrinan ake a na buoka ni kakoroa nanon te mwakuri ibukin te kamaiuaki ao te karietataaki. A riai mwakuri ni ibuobuoki ao waaki ni kakukurei ni karikirakei koaua, kakorakorai utu, ao ni katauraoi reken taai ni kakabwaiaia tabeman. A karaoaki uoua te tai n te namwakaina waaki ni kakukurei n te Moanrinan ibukiia ataei ake 8–11. (Taraa 12.3.6.)

A riai ni kabane ikawai ake a mwakuri ma ataei ao kairake ni kabwanina te reirei ibukin Kamanoaia ataei ao Kairake i nanon teuana te namwakaina man te tai are a kamatoaaki iai (ProtectingChildren.ChurchofJesusChrist.org). A kuneaki Kainibaire ao Kaetieti ni kaineti ma ataei ni kainnanoia aika a onoti, kamanoaia aika a kainnanoaki, aia burokuraem Ataei ao Kairake, ao tabeman riki n mwakoro 12.5 man te Aeniboki ni Kabuta.