Mwioko

Kooram n te Nakoanibonga ae te Aaron a buokia ataeinimwaane ni karaoi ao ni kawakini berita aika tabu ao ni kamatoa rairakia nakon Iesu Kristo ao Ana euangkerio. Te kantaninga n te kooram bwa e na buokia naake iai irouia te nakoanibonga bwa a na bootaki ni mwakuri n ibuobuoki n ana mwakuri te Atua ibukin te kamaiuaki ao te karietataaki. (Taraa Te Aeniboki ni Kabuta: Te Beku n Ana Ekaretia Iesu Kristo Ibukiia Aika Itiaki ni Boong aika Kaitira 10.1, Gospel Library.)

Ataeinimwaane a kaaina te kooram ni ibonga ni moa man Tianuare n te tai are a koro iai 16 aia ririki. Ngkana a tauraoi ao n tau, a kona naba ni katabuaki bwa ibonga. Ibonga ti te arona tabeia ma riikan ao taan reirei. A kona naba ibonga ni katauraoa te toa, karaoi naba bwabetito (n raonaki ma bwabetito n te tembora), ao ni katabuia ibonga, taan reirei, ke rikan ake tabeman (taraa Reirei ao Berita aika Tabu 20:46–52, 73–79; Aeniboki ni Kabuta, 10.1.3.3).

Ngkana a weteaki taan koroboki ni kooram, a katauraoi akenta ibukin bowi ao taui mwiin rongorongo. A buoka naba te kiraaka n te uoote ke te aetuwaitia n te kooram n tau mwiin rooroko. (Taraa 10.4.2.)

Te bitiobi ao taan kairiri irouia kairake, a boutokaki irouia aetuwaitia, bwa a na bairei mwakuri n ibuobuoki ao waaki ni kakukurei. Aikai a riai n ibuobuoki ni kakoroa nanon te mwakuri ni kamaiu ao te karietataaki. A riai ni baeranti inanon aua mwakoron te rikirake: maiu n tamnei, aroia n reitaki ma aomata, marurungin te rabwata, ao te wanawana. (Taraa 10.2.1.3.)

Kainibaire ao kaetieti riki tabeua, n ikotaki ma boutokakiia ataeinimwaane ma ake aki toamau, karekean kanikina irouia Ataei ao te Roronrikirake, ao ikotakin angabwai n aki mamatam, a kona n reke n te mwakoro 10.8 n te Aeniboki ni Kabuta.