Ol Responsabiliti

Ol kworom blong Aronik Prishud oli helpem ol yang man blong oli mekem mo kipim ol tabu kavenan, mo tu, blong oli mekem ol dip jenis long laef blong olgeta i go long Jisas Kraes mo gospel blong Hem. Stamba tingting blong gat wan kworom hem i blong helpem ol brata we oli holem prishud blong wok tugeta blong tekpat long wok blong God blong fasin blong sevem man mo fasin blong kam olsem wan god, i hapen. (Luk long Jeneral Hanbuk: Stap Givim Seves long Jos Ia blong Jisas Kraes blong Ol Lata-dei Sent, 10.1, Gospel Laebri.)

Ol yang man oli joenem kworom blong ol pris stat long manis Jenuware blong yia we bae oli kasem 16 yia. Sapos oli rere mo oli klin inaf, oli save odenem olgeta tu olsem ol pris. Ol pris oli gat ol semfala diuti olsem ol dikon mo ol tija. Ol pris oli save blesem mo serem sakramen, mekem ol baptaes (we i tekem tu ol baptaes long tempol), mo odenem ol nara pris, tija, o dikon (luk long Doktrin mo Ol Kavenan 20:46–52, 73–79; Jeneral Hanbuk, 10.1.3.3).

Taem oli singaotem ol sekretari blong kworom, oli mekem rere ol ajenda blong holem ol miting, mo oli tekem ol not. Mo tu, oli helpem klak blong wod o wan kworom advaesa, blong oli kipim wan rekod blong atendens. (Luk long 10.4.2.)

Bisop mo ol lida blong ol yut kworom, we ol advaesa oli sapotem, oli mekem plan blong holem ol seves mo ol aktiviti. Ol seves mo aktiviti ia oli sapos blong help blong mekem wok ia blong fasin blong sevem man mo fasin blong kam olsem wan god, i hapen. Oli mas gat balens long ol fofala eria blong groap yumiwan: long saed blong spirit, long saed blong sosol laef, long saed blong bodi, mo long saed blong waes. (Luk long 10.2.1.3.)

Yu save faenem sam moa gaedlaen mo ol polisi, we i tekem tu hemia blong stap sapotem ol yang man wetem disabiliti, stap kasem ol simbol blong Ol Pikinini mo Yut, blong stap karem ol fas ofring i kam tugeta, insaed long seksen ,10.8, blong Jeneral Hanbuk.