Eddo ko

Doulul ko an Priesthood eo an Aron ej jipan̄ likao ro kōm̧m̧an im kōjparok bujen ko rekwojarjar im kam̧wūlaļļo̧k oktak tok eo aer n̄an Jisōs Kraist im gospel eo An. Jibadbad eo an juon doulul ej n̄an jipan̄ rikabwijer priesthood ro jerbal ippān doon n̄an kōttōprak jerbal in lo̧mo̧o̧r eo an Anij im mour ijo eutiej tata. (Lale Bok in Bōk Meļeļe Eļap: Jerbal ilo Kabun̄ eo an Jisōs Kraist im Armej ro Rekwojarjar Ilo Raan Ko Āliktata 10.1Gospel Library.)

Likao ro rej koba ippān doulul eo an pris ilo jinoin Jānwōde ilo iiō eo ej jejjōt 16 aer iiō. Ilo iien in remaron̄ ekkapit āinwōt pris ro eļan̄n̄e rej pojak im erreo. Pris ro jon̄an wōt juon jerbal ko aer āinwōt tikōn im rūkaki ro. Rej barāinwōt kōpooj kwojkwoj eo im jerbal āinwōt rikarejar m̧aan ro. Eddo ko jet kar kōmeļeļeiki ilo Katak im Bujen Ko 20:53–59; 84:111. (Lale 10.1.3.2.)

Rijipan̄ ro an doulul eo an pris ro rej jipan̄ būreejitōn eo an doulul eo, kōn eddo ko an. Menin ekoba tōl jerbal ko an doulul eo ilo kobatok ilo jerbal in lo̧mo̧o̧r; jeļā kajeen kajjojo ro uwaan doulul eo im jerbal in karejar ippāer, ekoba ro im rejjab kobatok ilo kweilo̧k ko an doulul eo; kōkajoor ro uwaan doulul eo im rekāāl ak ro rej bar jepļaaktok; katakin ro uwaan doulul eo eddo ko an priesthood eo; im karōk im kajeiik iien kweilo̧k ko an doulul eo (lale 10.4.2.) Būreejtōn eo an doulul eo ej aikuj in emakijkij an kweilo̧k (lale 10.4.3).

Bisoprik eo im ritōl ro an doulul eo an jodikdik ro, kōn jipan̄ jān rikapilōk ro, rej karōk jerbal in jipan̄ im m̧akūtkūt ko. Rej aikuj jipan̄ kōttōprak jerbal in lo̧mo̧o̧r eo im mour ilo aiboojoj eo eutiejtata. Rej aikuj jon̄an wōt juon ilubwiljin eria ko emān ikkijeen eddōkļo̧k an juon make: ilo jetōb, iiaio, kanniōk, im jeļāļo̧kjeņ. (Lale 10.2.1.3.)

Kakkobaba in unin tōl ko im kakien ko, ekūtbuuj kōkajoor likao ro ewōr nan̄inmej in utam̧we ippāer, bōk nōbar ko n̄an Ajri ro im Jodikdik ro, im bōk menin joortak in jitlo̧k ko, rej pād ilo jekjōn 10.8 in Bok in Bōk Meļeļe Eo Eļap.