Mwioko

Kooram n te Nakoanibonga ae te Aaron a buokiia ataeinimwaane ni karaoi ao ni kawakini berita aika tabu ao ni kamatoa rairakiia nakon Iesu Kristo ao Ana euangkerio. Te kaantaninga n te kooram bwa e na buokiia naake iai irouia te nakoanibonga bwa a na bootaki ni mwakuri n ibuobuoki n ana mwakuri te Atua ibukin te kamaiuaki ao te karietataaki. (Taraa Te Aeniboki ni Kabuta: Te Beku n Ana Ekaretia Iesu Kristo Ibukiia Aika Itiaki ni Boong aika Kaitira 10.1, Gospel Library.).

Ataenimwaane a kaaina te kooram n riikan ni moa man Tianuare n te ririki are koro iai 12 te ririki. N te tai anne ngkana a tau a kona naba ni katabuaki bwa ngaia riikan ngkana a tauraoi ao a tau. Irian tibwangaia bon kabutan te toa ao buokan te bitiobi n “karaoi bwaain te maiu n rabwata ni kabane” (Reirei ao Berita aika Tabu 107:68) (Taraa 10.1.3.1.)

Te kauntira n te kooram n riikan a boutoka aia beretitenti n tibwangana, n raonaki ma kairan mwakuri n te kooram ni karaoan ana mwakuri te Atua ni kamaiu ao ni karietataaki, n kinaia ao ni beku ibukiia kain te kooram n tatabemaniia, n raonaki ma ake aki iriira bootakin te kooram, ni kakorakoraia aika a boou ao membwa ake a tibwa oki; n reireiniia membwa n te kooram n nakoaia n te nakoanibonga, ao ni bairei ao ni kairii boowin te kooram (taraa 10.4.2). Kain te beretitentii n te kooram a riai ni boowi n tainako (taraa 10.4.3).

Te bitiobiriki ao taan kairiri irouia kairake, ni boutokaki irouia taan ibuobuoki, a na bairei mwakuri n ibuobuoki ao waaki ni kakukurei. Aikai a riai n ibuobuoki ni kakoroa nanon te mwakuri ibukin te mwakuri ni kamaiu ao te karietataaki. A riai ni baeranti inanon aua mwakoron te rikirake: maiu n tamnei, aroia n reitaki ma aomata, marurungin te rabwata, ao te wanawana. (Taraa 10.2.1.3.)

Kainibaire ao kaetieti aika karinaki, n raonaki ma boutokakiia ataeinimwaane ake aki toamau, karekei kanikininaa ibukiia Ataei ao Kairake, ao rikoakin angabwai n aki mamatam, a kuneaki n te mwakoro 10.8 n te Aeniboki ni Kabuta.