Mga Responsibilidad

Ang mga korum sa Aaronic nga Pagkapari motabang sa mga batan-ong lalaki nga mohimo ug motuman sa sagrado nga mga pakigsaad ug mopalig-on sa ilang pagkakabig ngadto ni Jesukristo ug sa Iyang ebanghelyo. Ang katuyoan sa usa ka korum mao ang pagtabang sa mga naghupot sa pagkapari nga magtambayayong sa pag-apil sa buhat sa Dios sa kaluwasan ug kahimayaan. (Tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 10.1, Gospel Library.)

Ang mga batan-ong lalaki moapil sa teachers quorum sugod sa Enero sa tuig nga sila mag-edad og 14. Niining higayona sila usab mahimo nang i-orden nga mga teacher kon sila andam ug takos. Ang mga teacher adunay samang mga katungdanan sa mga deacon. Sila usab moandam sa sakramento ug moserbisyo isip tigpangalagad nga mga igsoong lalaki. Dugang nga mga katungdanan gihulagway sa Doktrina ug mga Pakigsaad 20:53–59; 84:111. (Tan-awa sa 10.1.3.2.)

Ang mga magtatambag sa teachers quorum mosuporta sa presidente sa iyang mga responsibilidad, lakip sa pagpangulo sa mga paningkamot sa pag-apil diha sa buhat sa kaluwasan ug kahimayaan sa Dios; sa pag-ila-ila ug pagserbisyo sa matag sakop sa korum, lakip niadtong kinsa wala motambong sa mga miting sa korum; molig-on sa bag-o ug mibalik nga mga miyembro; magtudlo sa mga sakop sa korum sa ilang mga katungdanan sa pagkapari; ug sa pagplano ug pagpahigayon og mga miting sa korum (tan-awa sa 10.4.2). Ang kapangulohan sa korum kinahanglan regular nga magmiting (tan-awa sa 10.4.3).

Ang bishopric ug ang mga lider sa korum sa kabatan-onan, nga gisuportahan sa mga tigtambag, magplano og serbisyo ug mga kalihokan. Kini kinahanglan makatabang sa pagtuman sa buhat sa kaluwasan ug kahimayaan. Kinahanglan kini nga mabalanse sa upat ka bahin sa personal nga kauswagan: espirituwal, sosyal, pisikal, ug intelektuwal. (Tan-awa sa 10.2.1.3.)

Dugang nga mga lagda ug mga palisiya, lakip sa pagsuporta sa batan-ong mga lalaki nga adunay mga kakulangan, pagdawat sa mga emblem sa Kabataan ug mga Kabatan-onan, ug magpundok sa mga halad sa puasa, makita diha sa seksiyon 10.8 sa Kinatibuk-ang Tamdanan nga Basahon.