Nakoau ae te Kauntira n ana Beretitentii te Bootaki n Aine n te Titeiki
Mwioko
E kakaitau te Uea ibukin nanom ni kan beku n Ana Ekaretia. Aika a oti i nano bon rinanoakin taabe ibukin nakoam.
Te Kantaninga ibukin te Bootaki n Aine
Te Bootaki n Aine bon te bootaki ae roko mai ieta ibukiia aine aika a ikawai n te Ekaretia. E buokiia natin te Atua te Bootaki n Aine ni katauraoiia n oki Nakoina. E reirei te Burabeti Iotebwa Timiti bwa oin te kaantaninga n te Bootaki n Aine bon “kamaiuakiia tamnei ao kabebetean rawawata”—katauraoan ana kabebete Tia Kamaiu (taraa Aeniboki ni Kabuta: Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 9.1).
Kauntira n ana Bootaki n Aine te Titeiki
E mwaiti tabeia kain te beretitentii n te Bootaki n Aine n te titeiki n raonaki ma kairakiia kain te beretitentii n te Bootaki n Aine aika boou ni weteakiia ao teimatoa te boutoka nakoia; reiakinaia beretitenti n te Bootaki n Aine taian reirei ibukin te mwakuri n ibuobuoki, rongorongon te utu, ao te mwakuri ni mitinare (tara 9.5); kakorakorakiia aine aika ikawai n akea toaia; babarongaakin waaki aika karina; taetae n tain te taromauri n toa ao n taabo riki tabeua; ao n roko n tain aia boowi Bootaki n Aine n te uoote (tara 6.7.1).
Boowi ao Kauntira
Te beretitentii n te Bootaki n Aine n te titeiki a na uaia ni bootaki n reirei n taainako. E beku te membwa n te beretitentii ibukiia kairake ni ikawa ao n te komete irouia kairake ni ikawai aika a tuai iein, ngkana e barongaaki. E na irii aia boowi taan kairiiri n te titeiki ni katoa ririki te beretitentii ao ni kairiia beretitentii n te Bootaki n Aine n te Uoote n tain te bowii (taraa 29.3.4), ni beku n te kauntira n te titeiki, ao ni kaei bootakin te kauntira ni babaire ngkana e kaoaki iroun te Itingaun n te Aono (taraa 29.4).
Mwakuri n Ibuobuoki ao Waaki ni Kakukurei
Te beretitentii n te Bootaki n Aine n te titeiki a na kona ni bairei ao ni karaoa teuana ke uoua bootakin te Bootaki n Aine ni katoa ririki ibukiia titita i nanon te titeiki. Boowi aikai ana kona n raonaki ma mwakuri ni ibuobuoki, kiraati, karikirake, maungatabu, ke angareirei ni kataneiai (taraa 6.7.1.1). Te Bootaki n Aine n te titeiki, Kairake n Ataeinnaine, ao beretitentii n te Moanrinan a na bairei waaki ni kakukurei aika a ikotaki ibukin aia botaki (taraa 6.7.1).
Kainibaire ao Kaetieti
A kuneaki kainibaire riki tabeua ao kaetieti i nanon mwakoro 9.6 n te Aeniboki ni Kabuta.