Mwiokoam

Te Nakoanibonga ae te Merekitereka e buokiia natin te Atua ni katauraoia n oki Nakoina. A bootaki ni mwakuri kaain te kooram n unimwaane ni buoka kakoroan nanon Ana mwakuri te Atua ibukin te kamaiuaki ao te karietataaki. A beku ibukia tabeman, kakoroa nanon tibwangaia n te nakoanibonga, karekea te boonnano, ao n reiakina ao n maiuakina reirein te euangkerio (taraa Aeniboki ni Kabuta, Te Beku n Ana Ekaretia Iesu Kristo ibukiia Aika Itiaki ni Boong aika Kaitira, 8.1).

Te kauntira n te kooram ni unimwaane e boutoka te beretitenti inanon katabeana n barongaa te waaki ma te beretitentii n te Bootaki n Aine ao n tararuaa te kakawari, waaki ni kakukurei, ribooti, rekooti, ao te mwane. Kauntira man te kooram n unimwaane ao te Bootaki n Aine a kona ni katabeaki bwa a na tararua aia mwakuri ni mitinare membwa ao tembora ao rongorongon te utu n te uoote (taraa 8.3.3.2).

Te beretitentii n aia kooram unimwaane ao te tia koroboki e mwaiti aia tai ni bowi. Buokaia mwaane ake a tauraoi ni karekea te Nakoanibonga ae te Merekitereka bon teuana ana moanibwai te beretitentii n te kooram (see 8.4).

A baairei mwioko ao kaakawari te Beretitentii n te Bootaki n Aine ao te Kooram n unimwaane ao ni ibuobuoki ni kaira te mwakuri n rongorongon te utu ao te tembora ao ni kaoiia ni kabane bwa a na karekei ana kakabwaia te euangkerio. Iai naba oin aia beku n reireiniia membwa n te uoote reirein te ibuobuoki nakoia naake iai kainnanoia, intawiu n te mwakuri ni ibuouoki, ni maiuakina tuan te aki mamatam, karikirakea te riki n toronibwai, ao ni karikirakea te tatauraoi bon iroum ao te utu (taraa 22.6.2).

A bootaki te kooram n unimwaane n kauouan ao kaauan Tabati n te namwakaina ni kakorakoraa te onimaki, karekea te boonnano, ao kakorakoraia utu ao mweenga. Te beretitentii n aia kooram unimwaane e rinei maroro ake a tibwa taekinaki man te maungatabu ni kabuta bwa a na maroroakinaki are kaineti ma kainnanoia membwa (taraa 8.2.1.2).

E na bairei waaki ni kakukurei kain te beretitentii n aia kooram unimwaane aika a na kakorakoraia kaain te kooram ao a anganiia aia tai ni beku ibon imarenaia. Amaroroakini waaki ni kakukurei beretitentii ma te bitiobi (taraa 8.2.1.3).