Fapi Duwer Ningan Fith ngak Facha’ ninge Mang e Tamachib

Fap bisof nge fapi stake president e kan mulwol nag ngorad ni ngar “muguʼuliyed fapi duwer nib yal’uw rogon, nibay e thothup riy, ma woed nibe pi’ e athamgil nge ayuw” ngak fapi tamachib ni yibe fith e tin ba’aray e duwer ngak (muguy ko General Handbook, 24.4.2).

1. Bay e mich rom ni mornga’agen Got, ni Chitamangiy nib Manechubog; Faak, ni Yesus Kristus; nge fare Kan ni Thothup?

2. Bay e mich rom ni mornga’agen fare Bayul rok Kristus nge murwel Rok’ ni’ir fare Tabiyul rom ma Cha’an nima Tathapegdaed?

   Wenig mu weliy e mich rom nggog. Urogon nike ayuwegnem fare Bayul rok Yesus Kristus ulan e yafos rom?

3. Bay e mich rom ni mornga’agen fare gospel nikan Fulweg yarmen ku Yesus Kristus nge pin’en nib riyul’ ulan fare Babyor ku Mormon?

   Urogon nike gel e na’ab rom ko mornga’agen fare gospel ku Yesus Kristus nikan fulweg yarmen nge fare Babyor ku Mormon nikam fil mornga’agen nge rogon nike gel nag e tha’ rom ngak Yesus Kristus?

4. Gama tay fare President ko Fare Galasia ku Yesus Kristus ni fan ko Gidii’en Got ko tin Tomur e Rran ni’ir fare profet, tathogthog, nge ta yi’iy ni kemus ni ir e cha’an u dakean e fayleng nibay mat’won rok’ ninge murwel ko gubin fare kiy ko priesthood?

   Gama tay chonggin e Bin Somm’on e Presidency nge Ulung ko fare Ragag nge L’agruwi Apostle ni yaed fapi profet, nib tathogthog, mab tayi’iy?

   Gama tayfan fapi General Authorty nge pi tiyugang’ nib local ko Galasia?

5. Somol e ga’ar gubin ban’en mra buch ni woed “nra buch u fthik e be’ech” u powchen (Doctrine nge Covenants 42:41).

   Mangfan ni be’ech nigey u p’owchen Got e mu’un e pag e pornagraphy ngay?

   Ko rogon ni gabe nangfan, mang e be yipfan ni ngan fol ko fare motochiyel ko falan e dowef?

   Gama gay rogon ni ngam par ni gab be’ech ko pi laem rom nge pi ngonglem?

   Gama fol ko fare falan e dowef?

6. Gama fol ko fapi machib ko fare Galasia rok Yesus Kristus nap’an ni yigogur rom nge nap’an ni gabay u fthik gidii’en e galasia fa chongin e tabinaew rom?

7. Gama fil fam tayfan mit e machib, un ko boech ban’en, fa machib nag ban’en nib thil ko tin ko Fare Galasia ku Yesus Kristus ni fan ko Gidii’en Got ko tin Tomur e Rran?

8. Gama gay rogon ngam tay ni fare Madnom e ba rran nib thothup, u tabinaew nge u galasia; un ko fapi mu’ulung; fal’eg rogoy min fek fare sakrament; ma par e yafos rom nibe fol ko fapi motochiyel ko gospel?

9. Gama gay rogon ngam par ni gab yul’yul’ ko gubin e pi n’en ni gama rrin’?

10. Gama pi’ e maligach rom ni ga’ngin yang?

11. Ko rogon ni gabe nangfan, mang e be yipfan ni ngan fol ko fare motochiyel ko Thin ko Gonop?

    Gama fol ko fare Thin ko Gonop?

12. I gur ningam mang reb e tamachib ni polo’ ni gubin ngiyal’ gara fol ko pi motochiyel ney nikad weliyew mornga’agen?

13. (Dabin fith e biney e duwer ngak be’ ni daworin endow nag.) Gama fol ko pi m’ag nikam ngongliy ulan e temple?

14. (Dabin fith e biney e duwer ngak be’ ni daworin endow nag.) Gama tayfan fare tawa’ath nikan pi’ ngom nib thothup ni rayag ni ngam chuw ko garment ni wod rogon nikan weliy mornga’agen ulan fare gam’ing ko initiatory? (Mu be’eg e thin ko “Garment ko Temple ni Yibe Chuw Ngay”, nib mu’un ngay u tanggin, ngak facha’).

15. Mang e be yipfan ngom ni ngam kalngaen’um, nib mu’un e pogofaynag e denen ni rib gel e kireb nra un mat’won gelngin e priesthood ngay?

    Bay e denen ni kam rrin’ ulan e yafos rom nib t’uf ni ngan fal’eg rogon nbay gelngin e priesthood ninge mang bang ko fare kalngaen’ rom?

16. Gabe guyem ma gur be’ nib gel’ thawingrim ni ngam mang reb e tamachib ku Yesus Kristus nge fare Galasia Rok’ nike sulyarmen?