Kihsensiyuck in Sirape nuhsin Mwet Ahkoo in Misinacri

Pisrap ac Prestuhn luhn Stek elos suliyuck in “ahkfahsrye sirape lalos in oasr nguhn, ac in wo neke sahflah” orekmakihn kihsensiyuck tahklac inge sin kais sie misinacri (liye General Handbook, 24.4.2).

1. Kuh oasr luhlahlfongi ac fahkwack luhlahlfongi lom ke God, Pahpah Ma Pahtpaht; Wen Nahtuhl, Jisus Kraist; ac ke Nguhn Muhtahl?

2. Kuh oasr luhlahlfongi lom ke Iwaclah luhn Jisus Kraist ac ke oruh Lal in oacna sie Mwet Lahngo ac Mwet in Molwelah lom?

   Nuhnakmuhnahs akacsruhi luhlahlfongi lom ke alu uh nuh sihk. Iwaclah lal Jisus Kraist ekuhllah moul lom fuhkah?

3. Kuh oasr luhlahlfongi lom ke Fohlohkyak luhn wosasuc luhn Jisus Kraist ac ke pwacyeiyacn Puk luhn Mormon?

   Kahlwem lom ke fohlohkyak luhn wosasusuc luhn Jisus Kraist ac ke stuhti lom ke Puk luhn Mormon ahkfokokoye kuhpahsr lom nuhsel Jisus Kraist fuhkah?

4. Kuh kom ahkkweye tuh Prestuhn ke Alu luhn Jisus Kraist luhn Mwet Luhlahlfongi ke Lwen-sahflah elan ekihn mwet pahluh, mwet liyactwen, ac mwet eis fwackyuck ac el muhkwena fin facluh suc sruok ac ituckyang suwohs la in orekmakihn ki nuhkwewa luhn pristut?

   Kuh kom ahkkweye tuh mempucr ke Prestuhnsi se Met ac U luhn mwet Sap Singucul Luo in ekihn mwet pahluh, mwet liyactwen, ac mwet in eis fwackyuck?

   Kuh kom ahkkweye Mwet Kol Luhlahp sahyac ac mwet kol fin acn sum ke Alu uh?

5. Leum El tuh fahk lah ma nuhkwewa in oreklac ke nwacsnwacs ye Muhtahl (Doctrine and Covenants 42:41

   Efuh in kahingkihn petsac mukwikwi koluk el sie ohiyac in kampare in nwacsnwacs ye muhtahl God?

   Ke kahlwem lom, meac kalmacn karihngihn masap ke tiac kosro uh?

   Kuh kom sang kuhiyom nuh ke ohiyac nwacsnwacs ke nuhnak ac elah lom an?

   Kuh kom ahkos masap in tiac kosro?

6. Kuh kom fahsr tukun mwe luti ke Alu luhn Jisus Kraist ke elah lom ke kom muhkwena ac ke kom oasr inwalihl wi mempuhr ke sucu lom an ac mwet sahyac?

7. Kuh kom ahkkweye kuh pahtok kuhtwena luti, mukwikwi, kuh mwe luti ma siena liki ma inge ke Alu luhn Jisus Kraist luhn Mwet Luhlahlfongi ke Lwen Sahflah?

8. Kuh kom kampare in liyacacng na lwen Sahpuht in muhtahl, kwewana e lohm ah ac ke alu uh; wi toeni lom an; ahkolah nuh ke ac nwacsnwacs in ipeis kuhfa luhn Leum; ac muhta na ac oruh moul lom an in fahsr fal nuh ke masap luhn wosasuc?

9. Kuh kom kampare in suwohswohs ke ma nuhkwewa ma kom oruh?

10. Kuh kom mwet ahkfalye sie-tahfuh singucul uh?

11. Ke kahlwem lom, meac kalmacn karihngihn masap luhn Kahs in Lahlmwetmwet?

    Kom ahkos masap ke Kahs in Lahlmwetmwet?

12. Ke kom e ekihn sie misinacri uh, kom ac moulkihn akwuhk ke alu uh ma kuht sramsramkihn tari inge?

13. (Kihsen siyuck se inge itucklac ke kom oruh lohlngohk nuh sin mempuhr se ma sonna eis mwe sang muhtahl lal.) Kuh kom karuhnguhnwacng olwelah ma kom oraclah in tempuhl?

14. (Kihsen siyuck se inge itucklac ke kom oruh lohlngohk nuh sin mempuhr se ma sonna eis mwe sang muhtahl lal.) Yac kom ahkmuhtahlye suwohs lom ke kom nukum karmacn oacna ma ahkuhtweyucki ke akwuck luhn inisitori ac? (Riti pohloh kahs ke “Nukumyacn Tempuhl Karmacn” weacng ma ten inge, nuh sin kais sie mempihr).

15. Meac kalmeac sum in auliyak, finne in fahkwack ke ma koluk luhlahp lom nuhsin mwet kol lom?

    Yac oasr ma koluk upac ke moul lom an ma enenuh in ahksuwohsyeyucklac sin mwet kol fuhlwact luhn pristut oacna sie ip ke auliyak lom an?

16. Kom nuhnkuh keim sifacna muh kom suwohs in fahkuhlwack Jisus Kraist ac Alu fohlohkyak Lal ke kom e ekihn misinacri se uh?