Li tz’ilok-ix choq’ reheb’ li te’raj k’anjelak jo’ misioneer

Eb’ li obiisp ut li awa’b’ej re oqech b’oqb’ileb’ “chixb’aanunkil li tz’ilok-ix … li natz’ilman wi’ rix li musiq’ejil wank, ut li nawaklesin ch’oolej” rik’in li junjunq chi komon li taaraj k’anjelak sa’ li mision, rik’ineb’ li patz’om a’in (chi’ilmanq Jolomil K’anjenel Hu, 24.4.2).

1. Ma wan aapaab’aal ut xnawom aach’ool chirix li Dios, li Junelik Yuwa’b’ej, li Jesukristo li Ralal, ut li Santil Musiq’ej?

2. Ma wan xnawom aach’ool chirix lix tojb’al rix li maak xb’aan li Jesukristo, ut chirix lix k’anjel a’an jo’ aj Kolol aawe ut aj Tojol aawix?

   B’aanu usilal, wotz lix nawom aach’ool wik’in. Chan ru naq lix tojb’al rix li maak xb’aan li Jesukristo ak naxjal laa yu’am?

3. Ma wan xnawom aach’ool chirix lix evangelio li Jesukristo li k’ojob’anb’il wi’chik ut lix yaalalil lix Hu laj Mormon?

   Chan ru naq laa nawom chirix lix k’ojob’ankil wi’chik lix evangelio li Jesukristo ut laa tzolb’al chirix lix Hu laj Mormon nakatxnach’ob’resi rik’in li Jesukristo?

4. Ma nakaxaqab’ xwankil li Awa’b’ej re lix Iglees li Jesukristo reheb’ laj Santil Paab’anel sa’ Roso’jikeb’ li Kutan jo’ li profeet, aj ilol na’leb’, ut aj k’utb’esinel, ut jo’ li jun chi winq sa’ ruchich’och’ li k’eeb’il xwankil re xk’anjelankil chixjunileb’ lix laawil li tijonelil?

   Ma nakaxaqabeb’ xwankil li komon sa’ li Xb’eenil Awa’b’ejil ut li Molam reheb’ li Kab’laju chi Apostol jo’ profeet, aj ilol na’leb’, ut aj k’utb’esinel?

   Ma nakaxaqab’eb’ xwankil li jun siir chik chi jolomil aj b’eresinel re li Iglees, ut eb’ laj b’eresinel sa’ li wankat wi’?

5. Li Qaawa’ xye naq chixjunil li k’a’aq re ru tento taab’aanumanq “chi ch’ajch’o” chiru a’an (Tzol’leb’ ut Sumwank 42:41).

   K’a’ut naq li wank chi saq qu chiru li Dios naraj ajw’ naxye naq ink’a’ taqil li pornografia?

   Jo’ nakataw ru laa’at, k’a’ru naraj naxye xpaab’ankil li chaq’rab’ re saq ru ch’oolej?

   Ma nakayal aaq’e re naq saqaq ru aak’oxlahom ut aab’aanuhom?

   Ma nakapaab’ li chaq’rab’ re li saq ru ch’oolej?

6. Ma nakataaqe li k’a’ru k’utb’il sa’ Lix Iglees li Jesukristo sa’ laa b’aanuhom sa’ k’utk’u ut sa’ muqmu rik’ineb’ li komon sa’ laa junkab’al ut rik’ineb’ laa was aawiitz’in?

7. Ma nakaxaqab’ xwankil malaj nakawaklesi yalaq k’a’ chi k’utum, b’aanuhom, malaj tzol’leb’ li moko naxk’am ta rib’ rik’in li k’utb’il sa’ lix Iglees li Jesukristo reheb’ laj Santil Paab’anel sa’ Roso’jikeb’ li Kutan?

8. Ma nakayal aaq’e chiroxloq’inkil xsantilal li hilob’aal kutan, sa’ kab’l jo’ ajwi’ sa’ iglees, chi wulak sa’eb’ laa ch’utam, chixkawresinkil aawib’ ut chixk’ulb’al chi tiik li loq’laj wa’ak, ut chi wank sa’ laa yu’am jo’ chanru neke’xye li chaq’rab’ ut li taqlahom re li evangelio?

9. Ma nakayal aaq’e re naq maak’a’aq li b’alaq’ sa’ chixjunil li nakab’aanu?

10. Ma nakatoj li lajetqil chi tzʼaqal?

11. Jo’ nakataw ru laa’at, k’a’ru naraj naxye xpaab’ankil li Aatin re Chaab’il Na’leb’?

    Ma nakapaabʼ li Aatin re Chaabʼil Naʼlebʼ?

12. Joʼ misioneer, ma taapaabʼ chixjunilebʼ li naʼlebʼ aʼin xooʼaatinak wiʼ?

13. (Moko na’oksiman ta li patzʼom aʼin wi yookat chi aatinak rikʼin jun komon majiʼ naxkʼul li loqʼlaj tiqibʼaak.) Ma nakapaabʼebʼ li sumwank xatʼok wiʼ saʼ li santil ochoch?

14. (Moko na’oksiman ta li patzʼom aʼin wi yookat chi aatinak rikʼin jun komon majiʼ naxkʼul li loqʼlaj tiqibʼaak.) Ma nakawoxloq’i li santil usilal re roksinkil li loq’laj aq’ej jo’ taqlanb’il sa’ li k’ojob’anb’il k’anjel re li iniciatoria? (Yaab’asi li aatin chirix “Xk’amb’al chawix li loq’laj aq’ej re li santil ochoch,” li tz’iib’anb’il arin, reheb’ chixjunil li ani wan sa’ li tz’ilok-ix).

15. K’a’ru naraj naxye choq’ aawe li jalok-ch’oolej, jo’ ajwi’ xyeeb’al resileb’ li nimla maak chiruheb’ li wankeb’ xwankil sa’ li tijonelil?

    Ma wankeb’ li nimla maak sa’ laa yu’am li tento raj xtuqub’ankil rik’ineb’ li wankeb’ xwankil sa’ li tijonelil re taaruuq taajal aak’a’uxl?

16. Ma nakaweek’a naq k’ulub’ejat chireetalinkil li Jesukristo ut lix Iglees li k’ojob’anb’il wi’chik jo’ misioneer?