Dagiti Saludsod iti Interbyu para kadagiti Inanamaen a Misionario

Maawis dagiti bishop ken stake president a “mangiturong (conduct) kadagiti naan-anay, naespirituan a panagsukisok, ken makaitag-ay nga interbyu” iti tunggal kandidato a misionario nga us-usaren dagiti sumaganad a saludsod (kitaen iti General Handbook, 24.4.2).

1. Adda kadi pammatim ken pammaneknekmo iti Dios, ti Agnanayon nga Ama; iti Anakna, ni Jesucristo; ken iti Espiritu Santo?

2. Adda kadi pammaneknekmo iti Pannubbot ni Jesucristo ken iti akemna a kas Mangisalakan ken Mannubbotmo?

   Ibinglaymo koma ti pammaneknekmo kaniak. Kasano nga inimpluensiaan ti Pannubbot ni Jesucristo ti biagmo?

3. Adda kadi pammaneknekmo iti Pannakaisubli ti ebanghelio ni Jesucristo ken ti kinapudno ti Libro ni Mormon?

   Kasano a ti pannakaawatmo iti naisubli nga ebanghelio ni Jesucristo ken ti panagadalmo iti Libro ni Mormon ti nangpauneg iti relasionmo ken ni Jesucristo?

4. Kankanunongam kadi ti Presidente ti Ti Simbaan ni Jesucristo dagiti Santo iti Ud-udina nga Aldaw a kas propeta, mammadto, ken mammaltiing ken kas agmaymaysa laeng a tao iti daga a napusgan a mangaramat iti amin a tulbek ti priesthood?

   Kankanunongam kadi dagiti miembro ti Umuna a Panguluen ken ti Korum dagiti Sangapulo-ket-dua nga Apostol kas propeta, mammadto, ken mammaltiing?

   Kankanunongam kadi dagiti dadduma pay a General Authority ken dagiti lokal a lider ti Simbaan?

5. Kinuna ti Apo nga amin a banag ket “aramiden a nadalus” iti imatangna (Doktrina ken Katulagan 42:41).

   Apay a ti panagkagumaan para iti kinadalus iti sanguanan ti Dios ket mangiraman iti panangliklik iti pornograpia?

   Manipud iti pannakaawatmo, ania ti kayat a sawen ti agtungpal iti linteg ti kinadalus ti dayaw?

   Ikarkarigatam kadi nga aramiden a nadalus ti pampanunot ken galadmo?

   Tungtungpalem kadi ti linteg ti kinadalus ti dayaw?

6. Sursurotem kadi dagiti pannursuro ti Ti Simbaan ni Jesucristo iti tignaymo iti pribado ken publiko kadagiti miembro ti pamiliam ken iti dadduma?

7. Supsuportaram wenno itantandudom kadi dagiti ania man a pannursuro, kannawidan, wenno doktrina a maisupiat kadagiti maisursuro iti Ti Simbaan ni Jesucristo dagiti Santo ti Ud-udina nga Aldaw?

8. Ikarkarigatam kadi a mangpatalinaed a nasantuan iti aldaw ti Sabbath, iti pagtaengan ken iti simbaan; dumardar-ayka kadi kadagiti mitingmo; agsagsagana ken maikarika kadi a makiranud iti sakramento; ken agbibiagka kadi a maitunos kadagiti paglintegan ken bilin ti ebanghelio?

9. Ikarkarigatam kadi ti agbalin a napudno iti amin nga ar-aramidem?

10. Agbaybayadka kadi iti naan-anay nga apagkapullo?

11. Manipud iti pannakaawatmo, ania ti kayat a sawen ti agtungpal iti Word of Wisdom?

    Tungtungpalem kadi ti Word of Wisdom?

12. Kas maysa a full-time a misionario agbiagkanto kadi a maitunos kadagitoy a pagrukodan nga inlawlawagmi?

13. (Maikkat daytoy a saludsod no mainterbiu ti maysa a miembro a saan a na-endow.) Tungtungpalem kadi dagiti katulagan nga inaramidmo iti templo?

14. (Maikkat daytoy a saludsod no mainterbyu ti maysa a miembro a saan a na-endow.) Daydayawem kadi ti sagrado a pribilehiom a mangikawes iti garment kas naibilin kadagiti pangrugian nga ordinansa? (Basaen ti palawag iti “Panangikawes iti Garment iti Templo,” a nairaman iti baba, iti tunggal miembro).

15. Ania ti kayat a sawen kenka ti agbabawi, agraman ti panangipudno kadagiti nadagsen a basol kadagiti awtoridad ti priesthood?

    Adda kadi dagiti nadagsen a basol iti biagmo a nasken a marisut kadagiti awtoridad ti priesthood kas paset ti panagbabawim?

16. Ibilbilangmo kadi ti bagim a maikari a mangibagi ken ni Jesucristo ken ti naisubli nga ebangheliona kas maysa a misionario?