Ang akong minahal ingon og mas masulub-on o mabalak-on kay sa kasagaran. Kinahanglan ba akong magmabalak-on nga sila malagmit maghikog?

Kon ang usa ka tawo mobati og kaguol o kabalaka, kini wala magpasabut nga sila naghunahuna sa paghikog. Hinoon, ang pagkat-on sa kasagarang mga pahimangno sa timailhan sa paghikog makatabang kanimo nga makahibalo sa pagpangita og dugang nga tabang ug sa pagpugong og usa ka krisis. Ang labing kasagaran nga mga timailhan, ingon nga gi-outline sa National Suicide Prevention Lifeline, naglakip sa:

• Magsulti mahitungod sa pagkagustong mamatay o pagpatay sa kaugalingon.

• Mangita og paagi sa pagpatay sa ilang kaugalingon, sama sa pagpangita sa online o pagpalit og hinagiban.

• Magsulti mahitungod sa pagbati nga walay paglaum o pagbaton og walay katarungan nga mabuhi.

• Magsulti mahitungod sa pagbati nga nalaang o anaa sa dili maagwanta nga sakit.

• Magsulti mahitungod sa pagkapalas-anon ngadto sa uban.

• Nagdugang ang paggamit sa alkohol o mga druga.

• Mabalak-ong maglihok o nerbyoson o walay pagbantay.

• Dyutay o sobra kaayo og kinatulgan.

• Magpalayo o mag-inusara sa ilang mga kaugalingon.

• Magpakita og kalagut o magsulti mahitungod sa pagpanimalos.

• Magpakita og mga kausaban sa buot.

Pagkat-on pa mahitungod sa paghikog ug unsaon sa pagpugong niini diha sa PreventingSuicide.ChurchofJesusChrist.org.