Kon Sa Balod Sang Kabuhi

1. Kon sa balod sang kabuhi may bagyo,

Kon nadula na tanan paglaum mo,

Ang manga bugay mo isa isaha,

Ginhimo sang Ginuo, makibot ka.

2. Gintublag ka bala sang palaligban?

Mabugat bala krus nga ginapasan?

Ang bugay isipa, pagdudar ’limti,

Kag ikaw magamba, adlaw ligari.

3. Kon ikaw ’gatulok manggad sang iban,

Dumduma manggad ni Cristo imo man.

Isipon nimo bugay nga bilidhon

Padya sa langit, puluyan nga dayon.

4. Sa tunga sang libog dako kag gamay,

Dios labaw sa tanan nga manga bagay.

Ang manga anghel matatap sa imo,

Buligan ka man sa panglakaton mo.