Epwelpen oh Doadoahkpen Imwen Sarawihkan

Emen sounapwalih kepweh kan me doadoahk ong Mwomwohdiso kin sewese steik katanga imwen sarawihkan. Tohn doadoahk menet kin koasoanehdi kamwahu laud akan, kamwakel mengihtik, oh wiepen kamwakele nihmw akan nan ehu ehu rahn.

Ma mie anahnepe, soun apwalih menet kin kaskuhlih irail weliepen ihmwakan nan steik oh ward duwen kamwakele ihmw akan oh soangen doadoahk teikan. E pahn kin iang sawaski kaweid, dipwisou kan, oh misihn en kamwakel kan.

E pahn pil kin tuhkiheng pisoprik me pid pweipweikan en ihmw akan.

Pisoprik (de weliepen ihmwakan nan ward) kin kaskuhlihki towehkan duwen doadoahngki, apwalih, oh loakepene ihmwakan. Pisoprik me kin kiheng kihkan en ihmwakan ong sounkaweid kan nan ward.

Irail kin tehk mwahu me kemwekid akan nan ihmw oh nan kehl wiawi ni keneinei (kilang 20.7).

Irail kin ehukiheng sounapwahpwalih kepwehn Mwomwhdiso duwen anahn akan en apwahpwalih oh katanga. Irail pil kak tuhkiheng sounapwalih kepweh kan ong pweipweikan.

Pisoprik kin pilahnehda ma e pahn malipe emen weliepen ihmwakan nan ward. Ma irail pilahnehda emen me pahn wia malipilip wet, pisoprik kak malipe emen ohl de lih me wia tohn mwomwohdiso. Ma sohte weliepen ihmw akan nan ward, piosp kak kapwukoahki pwukoah wet ong emen nah sounsawas akan, klerk nan ward de sounsawas ong klerk, de sekteri lapalap.

Weliepen ihmwakan nan ward me kin koasoanehdi tohwekan oh sounsawas akan en kamwakele oh apwalih ihmw akan.

Sounkaweid kan en ehu ehu wasa oh towehkan, iangahki me pwulopwul kan, ahnki pwukoahn sewese kamwakele oh tehk me soahng koaros mwahute.

Sketuel en kamwakel sohte anahne en wia katoutou ehu ong tohwehkan. Ni karaspepe, ma tangalahng ni ihmwo kahpwal, towehkan kak kamwakel ni arail pwarpenehn wia ehu kemwekid tohrohr.

Towehkan en ward de steik kaunsel kan kak repwohtki ananhnakan ong kamwahupen ihmwakan. Met kak wiawi ni arail pahn doadoahngki Facilitiy Issue Reporting (FIR).

Soukaweid kan oh Towehkan anahne:

• Tehk mwahu me wasahn aluhkan, kehndake kan, wasahn pidohi kan, oh wasahn kepwehkan sohte ping ong wasahn pidelong oh pidohi en kak soanamwahu.

• Sohte doadoahngki de nekid mehkot me keper de mehkot me keh lul nan ihmw akan.

• Wiahda oh idawehn mwomwen loakepene ihmwakan.

• Apwalih mwahu dipwisou en Mwomwohdiso kan sang pirapala.

• Esehla duwen kemehla iudilidi kan me duwehte pihl, lioal, oh kahs de me duwehte kahs.

Ma mie anahnepe, sounapwahpwalih kepwehkan kak sawaskhda ehu map me pahn kasalehda mehn kakun kisiniei, mehn first aid, oh wasahn kemehla iudilidihkan. Ekei ire duwen perehre kak dierek nan “Security and Lockup Procedures” in “Maintaining Meetinghouses” (Meetinghouse Facilities Guide). Pil kilang 20.7.

Ong koaros me kin doadoahngki en Mwomwohdiso wasahn mihting kan pahn anahen en idawehn ireh kan me pahn sansal pah:

• Ansou koaros wauhniki padahk sarawi kan, lepin kosonned akan, oh tiahk kan en Mwomwohdiso, iahngahki tuhkeh kan de rohs en likinimw kan oh kahrepeh kan me sansal ong doahdoahngki wasahn mihting kan en Mwomwohdiso.

• Idawehn kosonned kan me mie.

• Idawehn dahme sansal ong palien tax en Mwomwohdiso.

• Idawehn wiepeh kan me sohte pahn kak kawehla, katikala, oh keremwpwahla onopek mwahu de seihpdi kan me mie, me iangahki mehn kaweid kan oh lepin kosonned kan apwalih serih kan oh me pwulopwul kan (kilang 12.5.1 oh 20.7.1)

• Idawehn oh wauhniki ekei mehn kaweihd oh koasondi pisetik kan sang rehn steik preseden de pisop.

En Mwomwohdiso mihting kan, pirokram kan, oh kemwekid en kamwadong kan me keieu kesempwal sang ekei kemwekid kan me men doadoahngki wasahn mihting kan ma mie kerempwa ehu pwarada.

Ward kan oh steik kan pil kak kamaingaida ekei pirokram kan en Mwomwohdiso me pahn kak sewese toweh kan oh nan kousapwo. Mepwukat iangahki:

• Mehn Kasukuhl kan ong Uhtohrada.

• Mehn Kasukuhl kan ong Me Sohla kak Uhdisang Wiewia Sohte Mwahu

• KonekehngLokaiahnWai

• BYU-Pathway Worldwide

Toweh kan kak peki en doadoahngki wasahn mihting kan rehn peihn arail steik ma irail men doadoahngkieng peihn irail de en peneinei kemwekin kan. Pwe irail en kak alehdi mweimwei, irail pahn eker emen tohn pisoprik en wardo me pahn tuhwong irail nan wasahn mihtingo (de emen me pisopo pilada). Iren kaweid kan me irail pahn idawehn:

• Ni ansou me irail pahn doadoahngki, udahn emen aramas me laud me wia tohn wardo me pahn apwahpwali kemwekid me pahn wiawi nan wasahn kapokono.

• Irail kan me doadoahngki wasahu me pahn pwukoahkihdi ma mie ohlahn kopwe de aramas ohla de sohte lipilipil dahme pwarada nan ereihn ansou me irail wie doadoahngki wasahu.

• Irail kan me doadoahngki wasahu me pahn pwukoahki kamwakelehda oh kapwurepene dipisou kan me irail doadoahngki ni keneinei.

• Irail pahn anahne idawehn kaweid oh koasondi kan me sang irail kaun akan en wasahu, iangahki koasondih kan me sang irail kaun kan me pwukoahki tetehk ansou me irail wei doadoahngki wasahu.

• Kaun kan en Mwomwohdiso kak indahng irail akan de pwihn kan me irail pahn kauwuhdier arail doadoahngki wasahu ma irail sohte kapwaiada mehn kaweihd kan.

• Ong kamanamanlahn kemwekid kan, kaun en ward oh steik pahn anahne en kaunopada wasa me aramas pahn pidolong ie oh doadoahngki nan wasahn kapokono de mihtingo. Kih kan en wasahu pahn kohiengete tohn wardo de steiko me irail pildada.

Kilang 38.3.4 ong wiepen doadoahngki wasahn mihting de kapokon kan ong kapwopwoud kan oh kamadipw en kapwopwoud kan.

Kilang 29.5 ong wiepen doadoahngki wasahn mihting de kapokon kan ong mehla kan oh ekei kemwekid kan me kin wiawi ong me melahr akan.

Kaun en ehria kan kak kieng mweimwei ong pwihn en nonprofit organizations, kousapw kan oh ekei pwihn en euhpeneh kan (me duwehte pwihn en mwadong), de irail tei kan me sohte sansal kawewehpe nan 35.5.3 en doadoahngki wasahn mihting kan en Mwomwohdiso ong kemwekid laud kan de sawas. Ireh kan me sansal nan 35.5.3 pil pahn doadoahk.

Pwehn kak alehdi mweimwei sang kaun en ehria kan, steik preseden pahn anahne eker maneter de kaun en apwahpwali ihmw akan.

Wasahn mihting de kapokon en Mwomwohdiso pil kak doahdoahk ong kemwekid en sawas kesemwpwal kan me pahn pwarada nan kousapw kan nan ansou en anahn karuaru. Ni karasepe, steik preseden kak mweidong wasahn mihting kan en nan ah steiko en doadoahk ong pwihn en sawas akan me kin apwalih kihda sawas ansou en melimel de anahn karuaru oh irail tei kan me pil kin sawas nan ansou kau (kilang 35.5.4).