የስብሰባ አዳራሾች አያያዝ እና አጠቃቀም

በቤተክርስቲያኗ የተቀጠረ/ረች የፋሲሊቲዎች አስተዳዳሪ እያንዳንዱ ካስማ የስብሰባ አዳራሾችን መጠቀም እንዲችል ይረዳል። እርሱ ወይም እርሷ ዋና ጥገናዎችን፣ ሙሉ ፅዳትን እና መደበኛ የህንፃ ጥገና እንዲደረግ ያመቻቻል/ታመቻቻለች።

እንደ አስፈላጊነቱ፣ የፋሲሊቲዎች አስተዳዳሪው፣ የካስማ እና የአጥቢያ የሕንፃ ተወካዮች ሕንፃውን እንዴት እንደሚያፀዱ እና ሌሎች የአካባቢ ሥራዎችን እንዴት እንደሚሠሩ በማስተማር ያግዛል/ታግዛለች። እርሱ ወይም እርሷ መመሪያዎችን፣ ቁሳቁሶችን እና መሳሪያዎችን ያቀርባል/ታቀርባለች።

እርሱ ወይም እርሷ የግንባታ ወጪዎችን ከኤጲስ ቆጶሳት ጋር መገምገምም ይችላል/ትችላለች።

ኤጲስ ቆጶስ አመራሩ (ወይም የአጥቢያው የሕንፃ ተወካይ) አባላት ሕንፃውን እንዴት እንደሚጠቀሙ፣ እንደሚንከባከቡ እና ደህንነቱን እንደሚጠብቁ ያስተምራቸዋል። የኤጲስ ቆጶስ አመራሩ የህንጻ ቁልፎችን ለአጥቢያ መሪዎች ይሰጣል።

በህንፃው እንዲሁም በግቢው ውስጥ የሚደረጉ አክቲቪቲዎች ደህንነታቸው በተጠበቀ መልኩ መደረጋቸውን ያረጋግጣሉ (20.7ን ይመልከቱ)።

ስለጥገና እና የአጠቃቀም ፍላጎቶች ከቤተክርስቲያኗ የፋሲቲዎች አስተዳዳሪ ጋር ይነጋገራሉ። እንዲሁም ተዛማጅ ወጪዎችን ከፋሲሊቲዎች አስተዳዳሪ ጋር መገምገም ይችላሉ።

የኤጲስ ቆጶስ አመራሩ የአጥቢያ የህንጻ ተወካይን ስለመጥራት ይወስናል። ይህንን ጥሪ ለመስጠት ከወሰኑ ኤጲስ ቆጶሱ አንድን ጎልማሳ ወንድ ወይም ሴት አባል ሊጠራ ይችላል። የአጥቢያው የሕንፃ ተወካይ ካልተጠራ፣ ኤጲስ ቆጶሱ ይህንን ኃላፊነት ከአማካሪዎቹ ለአንዱ፣ ለአጥቢያ ጸሐፊው ወይም ለረዳት የአጥቢያ ጸሐፊው ወይም ለዋና ጸሐፊው ሊሰጥ ይችላል።

የአጥቢያ የሕንፃ ተወካዩ አባላት እና በጎ ፈቃደኞች ሕንፃውን እንዲያጸዱ እና እንዲጠግኑ ያደራጃቸዋል።

የአካባቢ መሪዎች እና አባላት ወጣቶችን ጨምሮ፣ እያንዳንዱን ሕንፃ ፅዱ የማድረግ እና በጥሩ ሁኔታ ላይ እንዲሆን የመርዳት ኃላፊነት አለባቸው።

የፅዳት መርሃ ግብሩ በአባላት ላይ ጫና መፍጠር የለበትም። ለምሳሌ ወደ ሕንፃው የሚደረግ ጉዞ አስቸጋሪ ከሆነ፣ አባላት በህንፃው ባሉበት በዚያው ጊዜ የሳምንታዊ ዝግጅቶች ክፍል አድርገው ማፅዳት ይችላሉ።

የአጥቢያ እና የካስማ ምክር ቤት አባላት የሕንፃ ጥገና ፍላጎቶችን ሪፖርት ማድረግ ይችላሉ። ይህም Facility Issue Reporting (FIR) [የፋሲሊቲ ጉዳዮች ሪፖርት ማቅረቢያ] መሳሪያን በመጠቀም ሊደረግ ይችላል።

መሪዎች እና አባላት የሚከተሉትን ማድረግ አለባቸው፦

• ደህንነቱ የተጠበቀ መግቢያ እና መውጫ እንዲኖር መተላለፊያ መንገዶችን፣ ደረጃዎችን፣ መውጫ በሮችን እና እቃ ማስቀመጫ ክፍሎች ግልፅ ማድረግ።

• በህንፃዎች ውስጥ አደገኛ ወይም ተቀጣጣይ ነገሮችን አለመጠቀም ወይም አለማስቀመጥ።

• ህንጻዎችን የመቆለፍ ሂደቶችን ማዘጋጀት እና መከተል።

• የቤተክርስቲያን ንብረት የሆኑ መሳሪያዎችን ከስርቆት መጠበቅ።

• እንደ ውሃ፣ መብራት እና ጋዝ ወይም ነዳጅ ያሉ መገልገያዎችን እንዴት መዝጋት እንደሚቻል ማወቅ

እንዳስፈላጊነቱ የፋሲሊቲዎች አስተዳዳሪው/ዋ የእሳት ማጥፊያዎች፣ የመጀመሪያ እርዳታ መስጫ ቁሳቁሶች ያሉበትን እንዲሁም መገልገያዎች የሚዘጉበትን ቦታ የሚያሳይ ካርታ ማቅረብ ይችላል/ትችላለች። ስለደህንነት የበለጠ መረጃ ለማግኘት በ“Security and Lockup Procedures [ጥበቃ እና ቦታዎችን የመቆለፍ ሂደት” “የመሰብሰቢያ አዳራሾችን መጠገን” (Meetinghouse Facilities Guide [የመሰብሰቢያ አዳራሽ መመሪያ መፅሐፍ]) ውስጥ ይገኛል። በተጨማሪም 20.7 ይመልከቱ።

ሁሉም የቤተክርስቲያኗ የመሰብሰቢያ አዳራሾች አጠቃቀሞች የሚከተሉትን መሰረታዊ መስፈርቶች ማሟላት አለባቸው፦

• የቤተክርስትያን የመሰብሰቢያ አዳራሾች የተቀደሰ ተፈጥሮ እና አላማን ጨምሮ ከቤተክርስቲያኗ ትምህርት፣ ፖሊሲዎች እና ተግባሮች ጋር ወጥነት ያላቸው ይሁኑ።

• በህጉ ወሰን ውስጥ ይሁኑ።

• ተገቢ ሆኖም፣ ከቤተክርስቲያኗ ከቀረጥ ነፃ ሁኔታ ጋር ወጥነት ያላቸው ይሁኑ።

• ልጆችን እና ወጣቶችን የሚጠብቁ የቤተክርስቲያኗ መመሪያዎችን እና ፖሊሲዎችን ጨምሮ የደህንነት ስጋቶችን ለማስወገድ፣ ለማቃለል እና ለመቆጣጠር ተገቢው እርምጃን የሚወስዱ ይሁኑ (12.5.1 እና 20.7.1ን ይመልከቱ)።

• በካስማ ፕሬዚዳንት ወይም በኤጲስ ቆጶስ የተሰጡ ሌሎች ሁኔታዎችን እና ገደቦችን የሚያከብሩ ይሁኑ።

አለመግባባት ከተፈጠረ፣ የቤተክርስቲያኗ ስብሰባዎች፣ ፕሮግራሞች እና ተግባራት ከሌሎች የስብሰባ አዳራሽ አገልግሎት ቅድሚያ ይሰጣቸዋል።

አጥቢያዎች እና ካስማዎች አባላትን እና ማህበረሰቡን የሚጠቅሙ ሌሎች የቤተክርስቲያኗ ፕሮግራሞችን ሊያቀርቡ ይችላሉ። እነዚህ የሚከተሉትን ያካትታሉ፦

• Self-reliance courses [ራስን የመቻል ትምህርት]

• Addiction recovery courses [ከሱሰኝነት ለመገገም እንዴት እንደሚቻል የሚያስተምሩ ትምህርቶች].

• EnglishConnect [በእንግሊዘኛ መገናኘት]

• BYU–Pathway Worldwide [ዓለም ዓቀፍ ቢዋይዩ ፓዝ ዌይ].

አባላት ለግል ወይም ለቤተሰብ ተግባሮች በካስማቸው ውስጥ ያለውን የስብሰባ አዳራሽን ለመጠቀም ሊጠይቁ ይችላሉ። ፈቃድ ለማግኘት፣ እነርሱም በዚያ የስብሰባ አዳራሽ ውስጥ የሚገኘውን የአጥቢያ ኤጲስ ቆጶስ አመራር አባልን (ወይም እሱ የሾመውን ሰው) ያነጋግሩ። የሚከተሉት ሁኔታዎች የሚገኙበት መሆን አለባቸው፦

• አጠቃቀሙ በስብሰባ አዳራሽ ውስጥ በሚገኘው ኃላፊነት ባለው አዋቂ የአጥቢያ አባል ክትትል ሊደረግበት ይገባል።

• ተጠቃሚዎች ከዚህ አጠቃቀም ጋር በተያያዘ ለሚደርስ ማንኛውም ጉዳት ወይም ኪሳራ ወይም ተጠያቂነት ሙሉ ሃላፊነት አለባቸው።

• ተጠቃሚዎች ማጽዳት እና መገልገያዎቹን ወደ ቀደመ ሁኔታ ሙሉ ለሙሉ መመለስ አለባቸው።

• ተጠቃሚዎች አጠቃቀሙን ለመከታተል በአመራሮች የሚቀርቡ ጥያቄዎችን ጨምሮ የአካባቢ መሪዎችን መመሪያዎችን እና ጥያቄዎችን ማክበር አለባቸው።

• መመሪያዎችን የማያከብሩ ከሆነ ማንኛውም ግለሰብ ወይም ቡድን ንብረቱን መጠቀም እንዲያቆም የቤተክርስቲያኗ መሪዎች ሊጠይቁ ይችላሉ።

• ፈቃድ ለተሰጣቸው ተግባራት፣ የአጥቢያ እና የካስማ መሪዎች የስብሰባ አዳራሹን ለመጠቀም የሚገቡበት መንገድን ማዘጋጀት አለባቸው። የህንፃው ቁልፎች መሰጠት ያለባቸው ለተመረጡት የአጥቢያ ወይም የካስማ አባላት ብቻ ነው።

ለሠርግ እና ለሠርግ ግብዣዎች የመሰብሰቢያ አዳራሾችን ለመጠቀም 38.3.4ን ይመልከቱ።

ለቀብር እና ለሟች ሌሎች አገልግሎቶች የመሰብሰቢያ አዳራሾችን ለመጠቀም 29.5ን ይመልከቱ።

የአካባቢ መሪዎች ለትርፍ ያልተቋቋሙ ድርጅቶች፣ ማህበረሰብ እና ሌሎች ቡድኖች (እንደ የስፖርት ቡድኖች ያሉ) ወይም በ35.5.3 ውስጥ ያልተገለጹ ግለሰቦች የቤተክርስትያኗን የመሰብሰቢያ አዳራሾች ለጤናማ ተግባራት ወይም አገልግሎት እንዲጠቀሙ መፍቀድ ይችላሉ። በ35.5.3 ውስጥ የተዘረዘሩት ሁኔታዎች የሚገኙበት መሆን አለባቸው።

ለእንደዚህ አይነት አጠቃቀም የአካባቢ መሪዎችን ፈቃድ ለመፈለግ፣ የካስማ ፕሬዚዳንቱ የንብረት አስተዳዳሪውን ያነጋግራል።

በድንገተኛ አደጋ ጊዜ የቤተክርስቲያኗ የመሰብሰቢያ አዳራሾች አስፈላጊ ለሆኑ የማህበረሰብ አገልግሎት ሊውሉ ይችላሉ። ለምሳሌ፣ የካስማ ፕሬዚዳንት በእሱ ካስማ ውስጥ ያሉ የመሰብሰቢያ አዳራሾችን የአደጋ-እርዳታ ድርጅቶች እና ሌሎች የተያያዙ ጥረቶች እንዲጠቀሙባቸው ሊፈቅድ ይችላል (35.5.4ን ይመልከቱ)።